Abn logo
Nov 28 2020 @ 09:55AM

భర్తపై అనుమానంతో భార్య యాసిడ్ దాడి

సూర్యాపేట: సూర్యాపేట జిల్లాలో దారుణం చోటుచేసుకుంది. భర్త మీద అనుమానంతో భార్య యాసిడ్ దాడి చేసింది. జిల్లాలోని కోదాడ శ్రీనివాసనగర్‎లో ఈ ఘటన చోటు చేసుకుంది. భర్త నరసింహారావు మీద అనుమానం రావడంతో భార్య లక్ష్మీ యాసిడ్‌తో దాడికి పాల్పడింది. యాసిడ్ దాడిలో భర్త నరసింహారావు ముఖం మొత్తం ఖాళీ పోవడంతో పరిస్థితి విషమం మారింది. ఈ ఘటనతో అక్కడున్న స్థానికులు వెంటనే నరసింహారావును దగ్గర్లో ఉన్న ఆస్పత్రికి తరలించారు. అయితే భర్త మరో మహిళతో వివాహేతర సంబంధం పెట్టుకున్నాడనే అనుమానంతోనే దాడి చేసినట్లు తెలుస్తోంది. విషయం తెలుసుకున్న పోలీసులు ఘటనా స్థలానికి చేరుకుని వివరాలను సేకరిస్తున్నారు.

Advertisement
Advertisement
Advertisement