Advertisement
Advertisement
Latest Telugu News
Advertisement
Published: Fri, 12 Aug 2022 18:38:17 IST

Aamir Khan: అసోం పర్యటనను వాయిదా వేసుకోండి.. ఆమీర్‌ఖాన్‌కు అసోం సీఎం రిక్వెస్ట్

twitter-iconwatsapp-iconfb-icon
Aamir Khan: అసోం పర్యటనను వాయిదా వేసుకోండి.. ఆమీర్‌ఖాన్‌కు అసోం సీఎం రిక్వెస్ట్

గువాహటి: బాలీవుడ్ సూపర్‌స్టార్ ఆమిర్‌ఖాన్ ఈ వారం అసోంలో పర్యటించాల్సి ఉండగా, పర్యటనను వాయిదా వేసుకోవాలని అసోం ముఖ్యమంత్రి హిమంత బిశ్వశర్మ (Himanta Biswa Sarma) కోరారు. ఈ నెల 13 నుంచి 15వ తేదీ వరకు ‘హర్ ఘర్ తిరంగ’ (Har Ghar Tiranga) కార్యక్రమాన్ని నిర్వహిస్తున్నామని, కాబట్టి తర్వాతి రోజులకు పర్యటనను వాయిదా వేసుకోవాలని ఆమిర్‌ను సీఎం కోరారు. ‘లాల్‌సింగ్ చద్దా’ (Lal Singh Chaddha) ప్రచారంలో భాగంగా ఈ నెల 14న ఆమిర్ ఖాన్ గువాహటిలో పర్యటించాల్సి ఉంది. అయితే, ముఖ్యమంత్రి తాజా విజ్ఞప్తి నేపథ్యంలో ఆయన ఈనెల 16న గువాహటిలో పర్యటించే అవకాశం ఉందని తెలుస్తోంది.


ఆమిర్ ఖాన్ ఇక్కడికి రావాలని అనుకుంటున్నారని, తనతో మాట్లాడారని సీఎం హిమంత బిశ్వ శర్మ అన్నారు. ఈసారి దృష్టిమొత్తం స్వాతంత్ర్య దినోత్సవంపైనా, తిరంగ కార్యక్రమంపైనా ఉన్న నేపథ్యంలో అది పక్కదారి పట్టకూడదన్న ఉద్దేశంతో తన పర్యటనను ఆగస్టు 15 తర్వాతి నాటికి వాయిదా వేసుకోమని కోరానని సీఎం పేర్కొన్నారు.


ఆమిర్ ఖాన్ ఎప్పుడొచ్చినా ఆయనతో కలిసి ముఖ్యమంత్రి సినిమా చూస్తారని ప్రభుత్వ వర్గాలు తెలిపాయి. రాష్ట్రంలో ఇటీవల వరదలు సంభవించినప్పుడు ఆమిర్ ఖాన్ రూ. 25 లక్షల విరాళం అందించి ముఖ్యమంత్రి మనసులు గెలుచుకున్నాడు. ఈ విషయాన్ని సీఎం స్వయంగా వెల్లడించి ఆమిర్‌ను ప్రశంసించారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.