వాట్సాప్‌లో కొత్త ఫీచర్.. ఒకేసారి నాలుగు డివైజుల్లో!

ఇంటర్నెట్ డెస్క్: ప్రముఖ సోషల్ మీడియా యాప్ వాట్సాప్‌లో సరికొత్త ఫీచర్ అందుబాటులోకి రానున్నట్లు సమాచారం. ఈ ఫీచర్ అందుబాటులోకి వస్తే ఒకే నంబరుతో వాట్సాప్‌ను వేరువేరు డివైజుల్లో ఉపయోగించవచ్చట. ఆండ్రాయిడ్ బేటా వెర్షన్‌లో ఈ ఫీచర్‌ను వాట్సాప్ పరిచయం చేసిందని తెలుస్తోంది. ‘లింకిడ్ డివైజెస్’ పేరుతో ఈ ఫీచర్‌ రానుంది. సెక్యూరిటీ కోడ్ సాయంతో ఒకేసారి ఒకటికన్నా ఎక్కువ డివైజుల్లో వాట్సాప్‌ను ఉపయోగించేలా ఈ ఫీచర్‌ను డిజైన్ చేశారు. ప్రస్తుతానికి ఈ ఫీచర్ ప్రయోగ దశలో ఉంది. ఒకేసారి నాలుగు డివైజుల్లో ఈ ఫీచర్‌ను ఉపయోగించడంపై ప్రయోగాలు జరుగుతున్నాయట.