Advertisement
Advertisement
Latest Telugu News
Advertisement

ఆ రెండు కిలోమీటర్లు నరకప్రాయం

twitter-iconwatsapp-iconfb-icon

 ఆ రెండు కిలోమీటర్లు నరకప్రాయం
అధ్వానంగా పామాయిల్‌ ఫ్యాక్టరీ రహదారి
20 ఏళ్ల కిందట నిర్మాణం.. మరమ్మతుల ఊసే లేదు
ప్రమాదాల బారిన వాహనదారులు


పెదవేగి, జనవరి 20 : పెదవేగిలో ఉన్న ప్రభుత్వ పామాయిల్‌ ప్రాసెసెంగ్‌ యూనిట్‌ (పామాయిల్‌ ఫ్యాక్టరీ)కు వెళ్లే రోడ్డు గోతులతో అధ్వానంగా మారింది.  ఈ ఫ్యాక్టరీకి ఆయిల్‌పామ్‌ గెలలను తీసుకుని నిత్యం టాక్టర్లు, లారీలు వస్తుం టాయి. మండల కేంద్రం పెదవేగి నుంచి రెండు కిలోమీటర్లు వెళ్తే ఈ ఫ్యాక్టరీ వస్తుంది. అయితే ఈ రెండు కిలోమీటర్ల దూరం వెళ్లాలంటే నరకం కనిపి స్తోందని వాహనదారులు వాపోతున్నారు. రైతులు అష్టకష్టాలు పడుతూ  గెలల ను ఫ్యాక్టరీకి తరలిస్తున్నారు. ఈ రహదారి ఒకప్పుడు రాట్నాలకుంట  రాట్నా లమ్మ ఆలయానికి వెళ్లే ప్రధాన రహదారిగా ఉండేది. అయితే ఈ రహదారి పూ ర్తిగా పాడవ్వడం, అదే సమయంలో పెదవేగి నుంచి మరోవైపు వేరొక రహ దారిని అభివృద్ధి చేయడంతో భక్తులు ఎక్కువగా కొత్త రహదారినే రాట్నాల కుంట వెళ్తున్నారు. దీంతో ఈ రహదారిని ప్రధానంగా పామాయిల్‌ ఫ్యాక్టరీకి వెళ్లే వాహనదారులు, ఆ ప్రాంతంలో ఉన్న రైతులు వినియోగిస్తున్నారు. నిత్యం టన్నుల కొద్ది ఆయిల్‌పామ్‌ గెలలతో కూడిన వాహనాలు తిరుగుతుండడంతో ఆ రహదారి పూర్తిగా గుంతలు పడి ధ్వంసమైంది. రెండు దశాబ్దాల కిందట అప్ప టి దెందులూరు ఎమ్మెల్యే గారపాటి సాంబశివరావు హయాంలో ఈ రహదారిని బీటీ రహదారిగా అభివృద్ధి చేశారు. నాటి నుంచి ఈ రహదారి బాగోగులు పట్టించుకున్న పాపాన పోలేదని స్థానికులు చెబుతున్నారు. అప్పటి నుంచి కనీసం మరమ్మతులు కూడా చేపట్టలేదంటే ఈ రహదారి దుస్థితి అర్థం చేసు కోవచ్చు. ఈ రహదారిపై అయిల్‌పామ్‌ గెలలతో వెళ్తున్న ట్రాక్టర్లు ప్రమాదానికి గురికాగా పలువురు గాయాలతో బయటపడ్డారు. ఇప్పటికైనా ఈ రహదారి ప్రాధాన్యాన్ని దృష్టిలో పెట్టుకుని, పూర్తిస్థాయి అభివృద్ధికి చర్యలు తీసుకోవాలని రైతులు కోరుతున్నారు.


భయపడుతూ ట్రాక్టర్‌ నడుపుతున్నా..
పెదకడిమిలో రైతు దగ్గర ట్రాక్టర్‌ డ్రైవర్‌గా పనిచేస్తూ, గత 15 ఏళ్లుగా ఫ్యాక్టరీకి పామాయిల్‌ గెలలు తీసుకొస్తున్నాను.   కొన్నేళ్లుగా ఈ రహదారిని పట్టించుకోకపోవడంతో గోతులతో నిం డిపోయింది. అజాగ్రత్తగా ఉంటే ట్రాక్టర్‌ బోల్తా కొడుతుంది.  ఈ రెండు కిలోమీటర్ల దూరంలో ట్రాక్టర్‌ను భయపడుతూ నడపాల్సి వస్తోంది.


– బుల్లా ఏసు, ట్రాక్టర్‌ డైవర్‌, పెదకడిమి
ఒళ్లు హూనం అవుతోంది..
 పామాయిల్‌ ఫ్యాక్టరీకి సమీపంలోనే మాకు ఆయిల్‌పామ్‌ తోట ఉంది. రోజూ ఉదయం, సాయంత్రం ఖచ్చితంగా తోటకు వెళ్లాల్సిందే. నిత్యం పామాయిల్‌ గెలలతో ట్రాక్టర్లు, లారీలు ఫ్యా క్టరీకి వెళ్తుంటాయి. దీంతో ఈ రహదారి మొత్తం  ధ్వంసమైంది. ఈ రహదారి బాగోగులు పట్టించుకున్న నాథుడే లేకపోవడంతో  ఈ రహ దారిపై ప్రయాణంతో ఒళ్లంతా హూనం అవుతోంది నిత్యం ఈ రోడ్డులో ప్రమాణిస్తూ, అనారోగ్యానికి గురౌతున్నాను.
– మూల్పూరి నగేష్‌, రైతు, లక్ష్మీపురం

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.