సీఎం జగన్ సభలో యువకుడు హల్‌చల్
ABN , First Publish Date - 2021-12-21T21:15:54+05:30 IST
ప.గో.జిల్లా: తణుకులో జరిగిన సీఎం జగన్ సభలో ఓ యువకుడు హల్‌చల్ చేశాడు.
ప.గో.జిల్లా: తణుకులో జరిగిన సీఎం జగన్ సభలో ఓ యువకుడు హల్‌చల్ చేశాడు. ముఖ్యమంత్రిని కలిసేందుకు బారికేడ్లను దూకి సభా వేదికవైపు దూసుకువచ్చేందుకు ప్రయత్నించాడు. ఇంతలో అప్రమత్తమైన భద్రతా సిబ్బంది ఆ యువకుడిని అడ్డుకుని పక్కకు తీసుకువెళ్లారు. ఆ యువకుడు ఒంటి నిండా వైసీపీ రంగులు పూసుకుని సభా ప్రాంగణంలో హంగామా చేశాడు.
అలాగే తణుకులో జరిగిన జగన్ సభలో ఓ మహిళా నినాదాలు చేయడం కలకలం రేపింది. తనకు పెన్షన్ రావడంలేదంటూ ఆందోళనకు దిగింది. వెంటనే అక్కడున్న అధికారులు ఆ మహిళకు సర్దిచెప్పారు. న్యాయం చేస్తామని హామీ ఇచ్చారు.
