పురపోరులో విజయం సాధిస్తాం

టీడీపీ కడప పార్లమెంట్‌ అధ్యక్షుడు మల్లెల లింగారెడ్డి

ప్రొద్దుటూరు క్రైం, ఫిబ్రవరి 24 : వైసీపీ ప్రజావ్యతిరేక విధానాల తో ప్రజలు విసిగిపోయారని, టీడీపీ వైపే ఉన్నారని టీడీపీ కడప పార్లమెంట్‌ అధ్యక్షులు మల్లెల లింగారెడ్డి అన్నారు. బుధవారం సాయంత్రం ఆయన తన కార్యాలయంలో విలేఖరులతో మాట్లాడుతూ తమ పరిధిలో కడప కార్పొరేషన్‌ సహా ఏడు నియోజకవర్గాల్లో జరిగే పురపోరులో టీడీపీకే విజయావకాశాలు ఉన్నాయన్నారు. పురపాలక ఎన్నికల్లో ఓటమి తప్పదన్న భయంతోనే వైసీపీ నాయకులు టీడీపీ వారిని ప్రలోభాలకు గురిచేసి పార్టీలోకి చేర్చుకుంటున్నారన్నారు. ఇలాంటి వారు పార్టీ వీడినా, పార్టీకి ఎలాంటి ఢోకా లేదన్నారు. కార్యకర్తలే త మ బలమని, వారికి పార్టీ ఎప్పటికి అండగా ఉంటుందన్నారు. కూరగాయల మార్కెట్‌ అధునీకరణ పేరిట నిరుపేద ముస్లిం మైనార్టీలకు నీడలేకుండా చేశారని లింగారెడ్డి దుయ్యబట్టారు. జగన్‌ సర్కార్‌ ఇంటి పన్నుల పెంపుకు సిద్దమైందని, నిత్యావసర వస్తువుల ధరలను అదుపు చేయడంలో విఫలమైందన్నారు. ప్రజలు ఈ విషయాలను గుర్తుంచుకోవాలని, ము న్సిపోల్స్‌లో టీడీపీ అభ్యర్థులను బలపరచి, వైసీపీకి తగిన బుద్ది చెప్పాలని ఆయన పిలుపు ఇచ్చారు. సమావేశంలో టీడీపీ పట్టణ నాయకులు ఏసుదాసు, భాస్కర్‌రెడ్డి పాల్గొన్నారు.