భూనిర్వాసితులకు అండగా ఉంటాం : రాజగోపాల్రెడ్డి
ABN , First Publish Date - 2021-04-11T06:49:53+05:30 IST
డిండి ఎత్తిపోతల పథకంలో భాగంగా శివన్నగూడ రిజర్వాయర్లో ముంపునకు గురైన గ్రామాల బాధితులకు అండగా ఉంటామని ఎమ్మెల్యే కోమటిరెడ్డి రాజగోపాల్రెడ్డి అన్నారు. శ
మర్రిగూడ, ఏప్రిల్ 10: డిండి ఎత్తిపోతల పథకంలో భాగంగా శివన్నగూడ రిజర్వాయర్లో ముంపునకు గురైన గ్రామాల బాధితులకు అండగా ఉంటామని ఎమ్మెల్యే కోమటిరెడ్డి రాజగోపాల్రెడ్డి అన్నారు. శనివారం ఆయన ఇబ్రహీంపట్నం మునిసిపాలిటీ పరిధిలోని చేరిగూడ సమీపంలో ప్రభుత్వ భూములకు సంబంధించిన మ్యాప్ను పరిశీలించారు. ఈ సందర్భంగా ఎమ్మెల్యే మాట్లాడుతూ భూనిర్వాసితులు అధైర్యపడవద్దని, పునరావాసం కోసం ఈ ప్రాం తంలో మ్యాప్ను పరిశీలించామని, వారికి త్వరలోనే పునరావాసం కల్పించేందుకు ప్రభుత్వం చొరవ తీసుకుంటుందన్నారు. ఇప్పటికే ఈ ప్రాంతంలో భూనిర్వాసితులు సర్వం కోల్పోయారని, వీరికి న్యా యం జరిగేందుకు ఇక్కడి ప్రాంతంలో స్థల సేకరణ చేసి ముఖ్యమంత్రికి నివేదిక ఇవ్వనున్నట్లు తెలిపారు. ఆయన వెంట బీసీసీ ఉపాధ్యక్షుడు అనంతరాజుగౌడ్, మండల అధ్యక్షుడు రామదాసు శ్రీనివాస్, పలువురు ప్రజాప్రతినిధులు, భూనిర్వాసితులు ఉన్నారు.