నడుస్తూ ఫోన్‌ చూస్తే వార్నింగ్‌!
ABN , First Publish Date - 2021-04-17T06:11:30+05:30 IST
మీరు నడుస్తున్నప్పుడు ఫోన్‌వైపు చూస్తే చాలు.... తలెత్తి ముందు చూడు చూడు అంటూ అలర్ట్‌ చేసే విధానాన్ని గూగుల్‌ అభివృద్ధిపర్చింది
మీరు నడుస్తున్నప్పుడు ఫోన్‌వైపు చూస్తే చాలు.... తలెత్తి ముందు చూడు చూడు అంటూ అలర్ట్‌ చేసే విధానాన్ని గూగుల్‌ అభివృద్ధిపర్చింది. గూగుల్‌ ఇందుకోసం తన ‘డిజిటల్‌ వెల్‌బీయింగ్‌’లో ‘హెడ్స్‌ అప్‌’ ఫీచర్‌ను ఉంచుతోంది. దీంతో బీకేర్‌ఫుల్‌, లుక్‌ ఎహెడ్‌, స్టే ఫోకస్డ్‌, లుక్‌ ఆప్‌, స్టే అలర్ట్‌, వాచ్‌ ఔట్‌, వాచ్‌ యువర్‌ స్టెప్‌ వంటి అలర్ట్‌లు అందుతాయి. వెల్‌బీయింగ్‌ యాప్‌లోని హెడ్స్‌ అప్‌ ఫీచర్‌ను యాక్టివేట్‌ చేసుకుంటే ఈ సదుపాయాన్ని పొందవచ్చు. మొదట లొకేషన్‌ పర్మిషన్‌ను అది అడుగుతుంది. ఫిజికల్‌ యాక్టివిటీ తెలియజేసి ఓకే చెబితే అది అలర్ట్‌ చేసే పనిలో ఉంటుంది. మరో మాటలో చెప్పాలంటే రోడ్డు మీద సురక్షితంగా నడిచేందుకు ఉపయోగపడుతుంది. యాప్‌ బేటా వెర్షన్‌ను గూగుల్‌ విడుదల చేసింది. పిక్సల్‌ 4ఎ, పిక్సల్‌ 5లో దీనిని చూడవచ్చు. ఆండ్రాయిడ్‌ డివైజెస్‌లలోనూ త్వరలో సాక్షాత్కరించనుంది. ఇప్పటికీ ఈ ఫీచర్‌ కనిపించకుంటే, వినియోగదారులు తమ ఆండ్రాయిడ్‌ స్మార్ట్‌ ఫోన్లలోని వెల్‌బీయింగ్‌లోకి వెళ్ళి యాప్స్‌ ఇన్‌ సెట్టింగ్స్‌ కింద దీన్ని చూడవచ్చు.
