వణికిపోతున్న రష్యా! ఈ పరిస్థితిని ముందెన్నడూ చూడలేదన్న అధ్యక్షుడు!

మాస్కో: ఈ ఏడాది ప్రకృతి విపత్తులతో రష్యా అల్లాడిపోతోంది. ముఖ్యంగా సైబీరియా అడవుల్లో దావానలాలు ఇటీవల కలకలం సృష్టిస్తున్నాయి. ఈ మంటలను చల్లార్చేందుకు రష్యా అధికారులు నానా తంటాలు పడాల్సి వస్తోంది. మరోవైపు.. రష్యా దక్షిణ ప్రాంతాన్ని ఆకస్మిక వరదలు, భారీ వర్షాలు హడలెత్తించాయి. ఈ విపత్కర పరిస్థితులపై రష్యా అధ్యక్షుడు వ్లాదిమిర్ పుతిన్ తాజాగా స్పందించారు. ఇటువంటి విపత్తులు ముందెన్నడూ చూడలేదని ఆయన పేర్కొన్నారు. ప్రకృత్తి విపత్తులపై తాజాగా నిర్వహించిన ఆన్‌లైన్ సమావేశంలో అధికారులను ఉద్దేశించి పుతిన్ కీలక వ్యాఖ్యలు చేశారు. పర్యావరణ లక్ష్యాలపై ఓ ప్రణాళిక ప్రకారం పనిచేయాలని అధికారులకు సూచనలు చేశారు.