వర్చ్యువల్‌ విజిటింగ్‌ కార్డు!
ABN , First Publish Date - 2020-08-15T05:32:45+05:30 IST
సోషల్‌ మీడియాలో మీ సమాచారం మరింత హైలెట్‌ చేసుకోవడానికి గూగుల్‌ ‘పీపుల్‌ కార్డ్స్‌’ పేరుతో కొత్త ఫీచర్‌ను అందుబాటులోకి తెచ్చింది. ఈ ఫీచర్‌ సహాయంతో వినియోగదారులు వర్చ్యువల్‌ విజిటింగ్‌ కార్డు తయారుచేసుకోవచ్చు...
సోషల్‌ మీడియాలో మీ సమాచారం మరింత హైలెట్‌ చేసుకోవడానికి గూగుల్‌ ‘పీపుల్‌ కార్డ్స్‌’ పేరుతో కొత్త ఫీచర్‌ను అందుబాటులోకి తెచ్చింది. ఈ ఫీచర్‌ సహాయంతో వినియోగదారులు వర్చ్యువల్‌ విజిటింగ్‌ కార్డు తయారుచేసుకోవచ్చు. వ్యాపారవేత్తలుగా ఎదగాలని ప్రయత్నిస్తున్న వారికి, ఫ్రీలాన్సర్లకు, సెల్ఫ్‌ ఎంప్లాయిమెంట్‌ను ఎంచుకున్న వారికి ఇది బాగా ఉపయోగపడనుంది. గూగుల్‌ అకౌంట్‌ ద్వారా ఈ ఫీచర్‌ను ఉపయోగించుకోవచ్చు. పీపుల్‌ కార్డును ఎలా క్రియేట్‌
చేసుకోవాలంటే...
- ముందుగా గూగుల్‌ అకౌంట్‌లోకి సైనిన్‌ కావాలి.
- తరువాత సెర్చ్‌ బార్‌లో ‘యాడ్‌ మీ టు సెర్చ్‌’ అని టైప్‌ చేసి ఎంటర్‌ బటన్‌ నొక్కాలి.
- ఇప్పుడు ‘యాడ్‌ యువర్‌సెల్ఫ్‌ టు గూగుల్‌ సెర్చ్‌’ ఆప్షన్‌ కనిపిస్తుంది. అక్కడే ఉన్న గెట్‌ స్టార్ట్‌ బటన్‌ని ఎంచుకోవాలి.
- వెరిఫికేషన్‌ కోసం ఫోన్‌ నంబర్‌ అడుగుతుంది. నంబర్‌ ఎంటర్‌ చేశాక, మొబైల్‌కి వచ్చిన కోడ్‌ని ఎంటర్‌ చేయాలి.
- తరువాత మీ పేరు, వివరాలు, మీ గురించిన సమాచారం, చేస్తున్న పని, వెబ్‌సైట్‌ ఉంటే దాని వివరాలు, ఈమెయిల్‌ ఐడీ నమోదు చేసి, ఒకసారి ప్రివ్యూ చూసుకుని సేవ్‌ బటన్‌పై క్లిక్‌ చేయాలి. అంతే.. మీ వర్చ్యువల్‌ విజిటింగ్‌ కార్డ్‌ గూగుల్‌లో అందుబాటులో ఉంటుంది.
