Chitrajyothy Logo
Advertisement
Published: Wed, 15 Jun 2022 17:32:23 IST

Sai Pallavi: ట్విట్టర్ ట్రెండింగ్‌లో సాయిపల్లవి.. ‘కాశ్మీర్ ఫైల్స్’ సినిమాపై చేసిన ఆ వ్యాఖ్యలే కారణం..

twitter-iconwatsapp-iconfb-icon

హీరోయిన్ సాయి పల్లవి. తెలుగు ప్రేక్షకులకు బాగా సుపరిచతమైన పేరు. పట్టుమని పది సినిమాలు కూడా తెలుగులో చేయకపోయినప్పటికీ ‘ఫిదా’ అనే ఒకే ఒక్క సినిమాతో ఈ భానుమతి అందరి మనసులను గెలుచుకుంది. కట్టుబొట్టు విషయంలో కూడా హీరోయిన్ సాయి పల్లవిని చాలా మంది ఇష్టపడుతుంటారు. గ్లామర్ రంగమైన సినిమా ఇండస్ట్రీలో పద్ధతైన వస్త్రధారణతో కూడా రాణించవచ్చని రుజువు చేసిన ఈ హైబ్రిడ్ పిల్ల పేరు తాజాగా ట్విట్టర్‌లో ట్రెండ్ అవుతోంది. #SaiPallavi అనే హ్యాష్ ట్యాగ్ ట్విట్టర్‌లో ట్రెండ్ అవుతోంది.


సాయి పల్లవి నటించిన తెలుగు సినిమా ‘విరాట పర్వం’ ప్రమోషన్స్‌లో ఆమె చేసిన వ్యాఖ్యలే ట్విట్టర్‌లో ఈ ట్రెండ్‌కు కారణం. 1990ల్లో కశ్మీరీ పండితులపై జరిగిన అమానుషాలను, నర మేధాన్ని ‘The Kashmir Files’ పేరుతో దర్శకుడు వివేక్ అగ్నిహోత్రి సినిమాగా తెరకెక్కించిన సంగతి తెలిసిందే. ఈ సినిమాపై ఎవరి వాదనలు ఎలా ఉన్నా బాక్సాఫీస్ వద్ద హిట్ చిత్రంగా నిలిచింది. ఈ సినిమా గురించి సాయి పల్లవి ‘విరాట పర్వం’ సినిమా ప్రమోషన్స్‌లో మాట్లాడింది. ఆమె ఏం చెప్పిందంటే..


‘‘కొన్ని రోజుల క్రితం ‘The Kashmir Files’ అనే సినిమా విడుదలైంది కద. 1990వ సంవత్సరంలో కశ్మీరీ పండిట్లు ఎలా చంపబడ్డారో ఈ సినిమాలో చూపించారు. ఆ సమయంలో కశ్మీర్‌లో నివసిస్తున్న కశ్మీరీ పండితులను ఎలా చంపారో సినిమాలో చూపించారు కద. కోవిండ్ సమయంలో అనుకుంటా. ఆవును ఒక వాహనంలో తరలిస్తుండగా ఆపారు. ఆ వాహనం నడుపుతున్న వ్యక్తి ఒక ముస్లిం. ‘జై శ్రీరాం’ అని నినాదాలు చేస్తూ కొందరు అతనిపై దాడి చేశారు. ‘కాశ్మీర్ ఫైల్స్’లో చూపించిన ఆ ఘటన, ఈ ఘటన. ఈ రెండు ఘటనలకు మధ్య తేడా ఎక్కడుంది..? ఈ రెండు ఘటనల్లో ఏ ఘటనలో మా నాన్న బాధితుడిగా ఉండి ఉన్నా నేను బాధపడి ఉండేదాన్ని. ఈ రెండు ఘటనల్లో హింస ఉంది. మా గోమాతను మీరు ఎలా బాధిస్తారని హిందువుల నమ్మకం. కశ్మీర్‌లో ముస్లింలు కూడా ‘ఇది మా ఊరు’ అని వాళ్ల నమ్మకం’’ అని సాయి పల్లవి ‘విరాట పర్వం’ సినిమా ప్రమోషన్‌లో మాట్లాడింది. ఆమె చేసిన ఈ వ్యాఖ్యలకు మద్దతు తెలుపుతూ ట్విట్టర్‌లో ఆమె పేరును ట్రెండ్ చేస్తున్నారు.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement