Viral Video: వామ్మో.. అతని ధైర్యం చూస్తే నోరెళ్లబెట్టాల్సిందే.. ఏ మాత్రం తేడా వచ్చినా పరిస్థితి మామూలుగా ఉండదు!

ఇతరులను ఆశ్చర్యపరిచేందుకు లేదా మరేదైనా కారణం కోసం కొందరు భారీ రిస్క్‌లు చేస్తుంటారు. ప్రాణాలను పణంగా పెట్టి సాహసాలు చేస్తుంటారు. తాజాగా ఒక వ్యక్తి విరిగిపోయిన బ్రిడ్జి మీద ఉన్న సన్నని గట్టు మీద నుంచి రాయల్ ఎన్‌ఫీల్డ్ బైక్ నడిపి అందర్నీ ఆశ్చర్యపరిచాడు. ఈ వీడియో సోషల్ మీడియాలో వైరల్ (Viral Video)అవుతోంది. 

ఆ వీడియో ప్రకారం.. వంతెన పూర్తిగా ధ్వంసమైంది. సన్నటి సైడ్ రైలింగ్ మాత్రమే మిగిలి ఉంది. ఆ సన్నటి గట్టు మీద  నుంచి ఒక వ్యక్తి రాయల్ ఎన్‌ఫీల్డ్ బైక్‌పై ప్రయాణించాడు. harishraj1942 అనే ఇన్‌స్టాగ్రామ్ హ్యాండిల్‌పై షేర్ అయిన ఈ వీడియోను ఇప్పటికి 2.83 లక్షల మంది వీక్షించారు. ఈ వీడియో చూసిన నెటిజన్లు కామెంట్ల వర్షం కురిపించారు. కొందరు ఆ వ్యక్తి ఆత్మవిశ్వాసానికి హ్యాట్సాప్ చెప్పారు. మరికొందరు మాత్రం హెచ్చరించారు. ఒక వ్యక్తి `ఇలా చేయకండి, మిమ్మల్ని చూసి ఇతరులు కూడా అలాగే చేస్తారు' అని కామెంట్ చేశారు.