Viral Video: పొట్టేలుతో ఇతడి ఆటలు మామూలుగా లేవుగా.. చూస్తే వామ్మో అని మీరే అంటారు..

సోషల్ మీడియా అందుబాటులోకి వచ్చాక.. ప్రపంచం చాలా చిన్నదైపోయింది. ఏమూల ఏ చిన్న సంఘటన జరిగినా వీడియోతో సహా చూసే వెలుసుబాటు ఉంది. ఈ క్రమంలో విభిన్నంగా ఉన్న వీడియోలు ఎంత వైరల్ అవుతుంటాయో.. ప్రత్యేకంగా చెప్పాల్సిన అవసరం లేదు. పోస్టు చేసిన కొన్ని గంటల్లోనే ఇట్టే వైరల్ అవుతుంటాయి. ఇటీవల పొట్టేలు, మనిషికి సంబంధించిన వీడియో తెగ వైరల్ అవుతోంది. చిన్న పిల్లాడితో ఆడుకున్నట్లుగా ఓ వ్యక్తి గొర్రెతో ఆటలాడుకోవడం.. అందరినీ ఆకట్టుకుంటోంది.

ఇన్‌స్టాగ్రాంలో వైరల్ అవుతున్న వీడియోలో ఓ వ్యక్తి పైకి పొట్టేలు.. కోపంగా దూసుకొస్తుంది. కొమ్ములతో ఒక్క పోటు పొడవాలని చూస్తుంది. అయితే తీరా పొట్టేలు దగ్గరికి వచ్చే క్రమంలో ఆ వ్యక్తి ఒక్క జంప్ చేస్తాడు. దీంతో దూసుకొచ్చిన ఆ పొట్టేలు వ్యక్తి కాళ్ల మధ్య నుంచి వెళ్లిపోతుంది. మళ్లీ ఆ వ్యక్తి పైకి దాడి చేసేందుకు వెళ్తుంది. అయితే ఆ వ్యక్తి మాత్రం మళ్లీ యథావిధిగా పైకి జంప్ చేస్తాడు. విసిగిపోయిన ఆ పొట్టేలు ‘‘ నా నుంచి ఎలా తప్పించుకుని వెళ్తావో చూస్తా’’ అన్నట్లుగా ఆ వ్యక్తిని చుట్టుముడుతుంది. కాస్త ఎత్తుగా ఉండే ప్రదేశానికి వెళ్లిన ఆ వ్యక్తికి ఎదురుగా నిల్చుంటుంది. ఈ వీడియో ప్రస్తుతం సోషల్ మీడియాలో వైరల్ అవుతోంది. నెటిజన్లు దీనిపై వివిధ రకాలుగా స్పందిస్తున్నారు.

 అంబులెన్స్‌ వెనుకే కిలోమీటర్ల మేర పరుగులు పెట్టిన గుర్రం.. కారణం ఏంటో తెలుసా..