చెన్నైపై ముంబై ఇండియన్స్ భారీ విజయం
ABN , First Publish Date - 2020-10-24T04:26:00+05:30 IST
ఐపీఎల్లో భాగంగా ముంబై ఇండియన్స్ వర్సెస్ చెన్నై సూపర్ కింగ్స్తో జరిగిన మ్యాచ్లో ముంబై ఇండియన్స్ ఘన విజయం సాధించింది. చెన్నై నిర్ధేశించిన 115 పరుగుల టార్గెట్ను ....
షార్జా: ఐపీఎల్లో భాగంగా ముంబై ఇండియన్స్ వర్సెస్ చెన్నై సూపర్ కింగ్స్తో జరిగిన మ్యాచ్లో ముంబై ఇండియన్స్ ఘన విజయం సాధించింది. చెన్నై నిర్ధేశించిన 115 పరుగుల టార్గెట్ను ముంబై ఇండియన్స్ జట్టు వికెట్ నష్టపోకుండా 12.2 ఓవర్లలోనే లక్ష్యాన్ని చేధించింది. ముంబై బ్యాటింగ్లో ఓపెనర్లు డికాక్ (37 బంతుల్లో 6 ఫోర్లు 5 సిక్సర్ల)తో 68 రన్స్ చేసి..చెన్నై బౌలర్లకు చుక్కలు చూపించాడు. మరోవైపు ఇషాన్ కిషన్ (37 బంతుల్లో 5ఫోర్లు 2సిక్సర్ల)తో 46 పరుగులతో ఇద్దరు ఓపెనర్లు నాటౌట్గా నిలిచి ముంబై జట్టుకు విజయాన్ని అందించారు. చెన్నైపై విజయం సాధించిన ముంబై ఇండియన్స్కి..పాయింట్ల పట్టికలో తొలిస్థానానికి చేరుకుంది.
అంతకుముందు టాస్ ఓడిన చెన్నై జట్టు టాస్ ఓడి బ్యాటింగ్కు దిగింది. అయితే తొలి ఓవర్లోనే చెన్నైకి గట్టి దెబ్బ తగిలింది. ఆ ఓవర్ ఐదో బంతికి రుతురాజ్ గైక్వాడ్ డకౌట్ అయ్యాడు. ఇక ఆ తర్వాతి నుంచి చెన్నై వికెట్ల పతనం ప్రారంభమైంది. బ్యాట్స్మెన్ క్రీజులోకి వచ్చినట్టే వచ్చి పెవిలియన్కు క్యూకట్టారు. ట్రెంట్ బౌల్ట్, బుమ్రా, రాహుల్ చాహర్ బౌలింగ్ దాడికి ఎదురొడ్డి నిలబడలేక చేతులెత్తేశారు. దీంతో మూడు పరుగులకే నాలుగు వికెట్లు కోల్పోయి పీకల్లోతు కష్టాల్లో పడింది. అంబటి రాయుడు (2), జగదీశన్ (0), డుప్లెసిస్ (1) వికెట్లను వరుసపెట్టి కోల్పోంది. 2.5 ఓవర్లలో మూడు పరుగులకే నాలుగు కీలక వికెట్లను కోల్పోయింది. ఆ తర్వాత క్రీజులోకి వచ్చిన ధోనీ (16), జడేజా (7)లు కూడా కుదరుకోలేకపోయారు.
అయితే, శామ్ కరన్ ఒంటరి పోరాటంతో చెన్నై 114 పరుగుల గౌరవప్రదమైన స్కోరు చేయగలిగింది. 47 బంతుల్లో 4 ఫోర్లు, 2 సిక్సర్లతో కరన్ 52 పరుగులు చేసి ఇన్నింగ్స్ చివరి బంతికి బౌల్డయ్యాడు. దీపక్ చాహర్ డకౌట్ కాగా, శార్దూల్ ఠాకూర్ 11, ఇమ్రాన్ తాహిర్ 13 పరుగులు చేశారు. ముంబై బౌలర్లలో బౌల్ట్ నాలుగు వికెట్లు తీసుకోగా, బుమ్రా, చాహర్ చెరో రెండు వికెట్లు తీసుకున్నారు. కౌల్టర్ నైల్కు ఓ వికెట్ దక్కింది. దీంతో చెన్నై స్కోర్ నిర్ణీత 20 ఓవర్లలో 9 వికెట్ల నష్టానికి 114 పరుగులకు మాత్రమే పరిమతమైంది.