Chitrajyothy Logo
Advertisement
Published: Mon, 08 Aug 2022 13:40:32 IST

Venkatesh : దేవుడిగా నటిస్తున్నాడా?

twitter-iconwatsapp-iconfb-icon

విక్టరీ వెంకటేశ్ (Venkatesh) ‘గోపాలా గోపాలా’ (Gopala Gopala) చిత్రంలో భక్తుడిగా నటించిన సంగతి తెలిసిందే. అందులో దేవుడిగా పవన్ కళ్యాణ్ నటించి.. సినిమాకి మంచి వెయిట్ తీసుకొచ్చారు. అయితే ఈ సారి ఆ బాధ్యతను వెంకటేశ్ తీసుకోనున్నారని టాక్. ఏ సినిమా అనుకుంటున్నారా? ‘ఓరి దేవుడా’ (Ori Devuda). విశ్వక్ సేన్ (Vishwaksen) హీరోగా నటిస్తున్న ఈ సినిమా తమిళ సూపర్ హిట్ చిత్రం ‘ఓమై కడవుళే’ (Oh My Kadavule) కి అఫీషియల్ రీమేక్. తమిళంలో విజయ్ సేతుపతి (Vijay Sethupathi) దేవుడిగా నటించాడు. ఆ పాత్రనే తెలుగులో వెంకీ నటిస్తున్నట్టు సమాచారం. అశోక్ సెల్వన్ (Ashok Selvan), రితికా సింగ్ (Rithika Singh) జంటగా నటించారు. వాణి భోజన్ (Vani Bhojan) ప్రత్యేక పాత్రలో నటించింది. ప్రేమించి పెళ్ళిచేసుకొన్న ఒక జంటకి ఎదురైన సమస్యల్ని దేవుడు ఎలా పరిష్కరించాడు అన్న కథాంశంతో ఈ  సినిమా తెరకెక్కింది. 

ఈ సినిమా రీమేక్ రైట్స్ తీసుకొని ఓరి దేవుడా పేరుతో సెట్స్ పైకి వెళ్ళింది. ఇంతవరకూ ఈ సినిమా షూటింగ్ దేవుడు మినహా మిగిలిన  పాత్రలపైనే జరిగింది. దేవుడు పాత్ర కూడా పూర్తయితే .. టాకీ పార్ట్ మొత్తం పూర్తవుతుంది. సినిమాను త్వరలో విడుదల చేయాలనేది నిర్మాత ప్లాన్. అయితే ఇప్పటివరకూ అందులో దేవుడిగా నటించే వారి కోసమే ఎదురు చూసింది చిత్ర బృందం. ఆ పాత్రను ఎవరు చేస్తే బాగుంటుంది అనే ఆలోచించగా.. వెంకటేశ్ మదిలో మెదిలారట. వెంటనే వెంకటేశ్ ను సంప్రదించడం, ఆయన ఒప్పుకోవడమూ జరిగిపోయాయి.

నాలుగు రోజల్లో వెంకీ పార్ట్ పూర్తి అయిపోతుందట. తమిళంలో ఆ పాత్రను చేయడానికి విజయ్ సేతుపతి 3 రోజులు టైమ్ తీసుకున్నాడట. వెంకటేష్ పోర్షన్ షూట్ చేసి త్వరలోనే సినిమాను విడుదల చేయాలని నిర్మాతలు భావిస్తున్నారు. పీపుల్స్ మీడియా ఫ్యాక్టరీ (Peoples Media Factory) ఈ సినిమాను నిర్మిస్తుండగా.. మిథాలీ పార్కర్ (Mithali Parkar) కథానాయికగా నటిస్తోంది. తమిళ వెర్షన్ ను తెరకెక్కించిన అశ్వథ్ మారిముత్తు (Ashth Marimuthu) నే తెలుగు వెర్షన్ నూ డైరెక్ట్ చేస్తున్నాడు. మరి ఈ సినిమా విశ్వక్ సేన్ కు ఏ స్థాయిలో పేరు తెస్తుందో.. దేవుడుగా  వెంకీ  ఏ స్థాయిలో అలరిస్తారో చూడాలి. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement