Advertisement
Advertisement
Latest Telugu News
Advertisement

వన్నెల సంతకం

twitter-iconwatsapp-iconfb-icon
వన్నెల సంతకం

నిన్ను కన్న హన్మాజిపేట

హఠం చేస్తుంది నువ్వే కావాలని

ముచ్చట్లు మురిపాలతో నిన్ను అలరించిన

మూలవాగు మూగ పోయింది నీ యాదిలో

తొలి పాఠాలు నేర్పిన

సిరిసిల్ల చిన్నబోయింది నీవు లేవని

భుజాన మోసిన

మానేరు కన్నీళ్లు పెట్టుకుంది నీవు రావని

సినారె! సినారె!

నిరంతర కవితా ప్రవాహ కినారే!!

నీ అక్షరం కస్తూరి

నీ మాటాపాట అసామాన్య దస్తూరి

‘నవ్వని పువ్వు’ నవ్వే సరికి

నీవు కనిపించక తల్లడిల్లి

తన్నుతాను నీకు సమర్పించుకుంటున్నది

నిన్ను నిలువెల్లా స్మరించుకుంటున్నది

సెలయేరు నడకకు నగిషీలు చెక్కినవాడు

నది ఆయనకు సహధ్యాయి

కదలాడే అలల కుచ్చిల్లను

సముద్రానికి సమకూర్చినవాడు

చీకటికి ప్రియంగా వెన్నెలను అద్దినవాడు

పగటికి రాత్రి ఒకటి వుందని

హెచ్చరించినవాడు

మల్లెల చెవిలో చిలిపి గుసగుసలాడినవాడు

శిశిరానికి బహుమతిగా

పచ్చదనాన్ని ప్రదానం చేసినవాడు

నీతో కవులది

ఒక్కొక్కరిది ఒక్కో అనుభవం

నీవు పాటలతో

ఆటలాడుకున్న తీరు అసంభవం

తెలుగు కవిత్వంలో

నీది ఒక వసంత

వన్నెల సంతకం

జూకంటి జగన్నాథం

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.