వాహన్‌ రక్ష యాప్‌, పరికరం ఆవిష్కరణ

ABN , First Publish Date - 2021-05-11T09:39:07+05:30 IST

వాహనాల చోరీలను అరికట్టడానికి తిరుపతి అయాన్‌ టెక్నాలజీస్‌ సంస్థ తయారు చేసిన వాహన్‌ రక్ష పరికరం, యాప్‌ను అర్బన్‌ ఎస్పీ వెంకటఅప్పలనాయుడు, ఏఎస్పీ సుప్రజ ఆవిష్కరించారు.

వాహన్‌ రక్ష యాప్‌, పరికరం ఆవిష్కరణ
పరికరం పనితీరును పరిశీలిస్తున్న ఎస్పీ, ఏఎస్పీ తదితరులు

‘తిరుపతి అయాన్‌ టెక్నాలజీస్‌’కు ఎస్పీ అభినందన


తిరుపతి(నేరవిభాగం), మే 10: వాహనాల చోరీలను అరికట్టడానికి తిరుపతి అయాన్‌ టెక్నాలజీస్‌ సంస్థ తయారు చేసిన వాహన్‌ రక్ష పరికరం, యాప్‌ను అర్బన్‌ ఎస్పీ వెంకటఅప్పలనాయుడు, ఏఎస్పీ సుప్రజ ఆవిష్కరించారు. ఈ పరికరం, యాప్‌ పనితీరును సోమవారం స్థానిక జిల్లా పోలీసు కార్యాలయంలో ఎస్పీ పరిశీలించారు. సంస్థ ప్రతినిధులు ద్విచక్రవాహనానికి ఈ పరికరాన్ని అమర్చి పనితీరును తెలియజేశారు. వాహనాన్ని ఎవరైనా చోరీ చేసేందుకు ప్రయత్నిస్తే గట్టిగా సైరన్‌ మోగడంతోపాటు స్టార్ట్‌ కాకుండా చేస్తుందని వివరించారు. అంతేకాకుండా యాప్‌ ద్వారా లోకల్‌ పోలీసు స్టేషన్‌కు సమాచారం వెళ్తుందని వెల్లడించారు.  ఈ సందర్భంగా ఎస్పీ మాట్లాడుతూ.. వాహన్‌రక్ష యాప్‌, పరికరం ద్వారా వాహనాల చోరీలు అరికట్టవచ్చని తయారీ సంస్థ ప్రతినిధులను అభినందించారు. దొంగతనాలను, దోపిడీలను అరికట్టేందుకు అధునాతన టెక్నాలజీని రూపొందించేవారిని పోలీసు శాఖ ఎప్పుడూ ప్రోత్సహిస్తుందని చెప్పారు. ఈ కార్యక్రమంలో ఎస్బీ డీఎస్పీ వెంకటరమణ, ఎస్సీ, ఎస్టీ డీఎస్పీ నాగసుబ్బన్న తదితరులు పాల్గొన్నారు.  

Updated Date - 2021-05-11T09:39:07+05:30 IST