Abn logo
Nov 29 2020 @ 19:55PM

తల్లిదండ్రులను కోల్పోయిన అక్కాచెల్లెళ్లకు యూఏఈ గోల్డెన్ వీసా!

న్యూఢిల్లీ: దుబాయిలో తల్లిదండ్రులను కోల్పోయిన భారత్‌కు చెందిన అక్కాచెల్లెళ్లకు అక్కడి ప్రభుత్వం యూఏఈ గోల్డెన్ వీసాను అందించింది. వివరాల్లోకి వెళితే.. గుజరాత్‌కు చెందిన హిరెన్ అధియా అతని భార్య విధి గత కొంత కాలంగా దుబాయిలో ఉంటున్నారు. ఈ క్రమంలో ఈ ఏడాది జూన్ 18న రాత్రి వారు నిద్రుస్తుండగా.. ఇంట్లో దొంగలు పడ్డారు. దొంగతనాన్ని అడ్డుకునే క్రమంలో హిరెన్‌ అధియాను దొంగలు పొడిచేశారు. భర్తను రక్షించుకునే క్రమంలో భార్య విధి కూడా కత్తిపోట్లకు గురయ్యారు. దొంగల చేతిలో తీవ్రంగా గాయపడ్డ ఆ భార్యాభర్తలు ప్రాణాలను కోల్పోయారు. దీంతో వారి ఇద్దరు కూతుళ్లు ఒంటిరి వారయ్యారు. ఈ క్రమంలో దుబాయ్ ప్రభుత్వం స్పందించింది. దుండగుల దాడిలో తల్లిదండ్రులను కోల్పోయిన అక్కాచెల్లెళ్లకు యూఏఈ గోల్డెన్ వీసాను అందించింది. అక్కాచెల్లెళ్లకే కాకుండా వారి గ్రాండ్‌పేరెంట్స్‌కు కూడా అక్కడి ప్రభుత్వం యూఏఈ గోల్డెన్ వీసాను మంజూరు చేసింది. దీంతోపాటు ఆ అక్కాచెల్లెళ్లు దుబాయిలో చదువుకునేందుకు పూర్తి స్కాలర్‌షిప్‌ను కూడా పొందారు. ఈ నేపథ్యంలో దుబాయిలోని భారతీయ సమాజం స్పందిస్తూ.. అక్కడి ప్రభుత్వ నిర్ణయంపై హర్షం వ్యక్తం చేసింది.


Advertisement
Advertisement
Advertisement