Abn logo
Feb 27 2021 @ 21:34PM

లేడీ గాగాకు చెందిన కుక్కపిల్లలను రక్షించిన పోలీసులు!

వాషింగ్టన్: ప్రముఖ పాప్ సింగర్ లేడీ గాగాకు చెందిన కుక్కపిల్లను రక్షించినట్టు పోలీసులు తెలిపారు. వాటికి సంబంధించిన ఫొటోలను సోషల్ మీడియాలో పోస్ట్ చేశారు. వివరాల్లోకి వెళితే.. లేడీ గాగాకు ఫ్రెంచ్ బుల్‌డాగ్స్ అంటే చాలా ఇష్టం. ఈ క్రమంలోనే ఆమె మూడు ఫ్రెంచ్ బుల్‌డాగ్స్‌ను పెంచుకుంటున్నారు. వాటిని చూసుకోవడానికి ఇద్దరు సంరక్షకులను కూడా ఆమె నియమించారు. ఈ క్రమంలో వాటిని వాకింగ్ తీసుకెళ్లిన సమయంలో కొందరు దుండగులు సంరక్షక్షుడిపై బుధవారం రాత్రి కాల్పులు జరిపి కోజీ, గుస్తన్ అనే శునకాలను ఎత్తుకెళ్లారు. దీంతో స్పందించిన లేడీ గాగా.. వాటి సమాచారం ఇచ్చిన వారికి రూ.3.6కోట్లను బహుమతిగా ఇస్తానని కూడా ప్రకటించారు. మరోవైపు పోలీసులు కూడా వాటి జాడను కనిపెట్టడంపై దృష్టిసారించారు. ఈ నేపథ్యంలో వాటి ఆచూకు పోలీసులకు తెలిసింది. కోజీ, గుస్తన్‌లను రక్షించి.. లేడీ గాగా‌కు సంబంధించిన ప్రతినిధులకు వాటిని చేరవేసినట్టు సోషల్ మీడియాలో పోస్ట్ ద్వారా పోలీసులు ప్రకటించారు. 


Advertisement

అమెరికా నగరాల్లోమరిన్ని...

Advertisement
Advertisement