యూఎస్‌ ఇండియా చాంబర్‌ ఆఫ్‌ కామర్స్‌ ఆక్సిజన్‌ కాన్సంట్రేటర్ల వితరణ
ABN , First Publish Date - 2021-05-17T06:15:40+05:30 IST
యూఎస్‌ ఇండియా చాంబర్‌ ఆఫ్‌ కామర్స్‌ వెస్ట్‌ టెక్సాస్‌ డాక్టర్లు విజయవాడ ప్రభుత్వాసుపత్రికి ఐదు ఆక్సిజన్‌ కాన్సన్‌ట్రేషన్స్‌తో కూడిన ఆరు యూనిట్లను అందించినట్లు కలెక్టర్‌ ఇంతియాజ్‌ తెలిపారు.
పాయకాపురం, మే 16 : యూఎస్‌ ఇండియా చాంబర్‌ ఆఫ్‌ కామర్స్‌ వెస్ట్‌ టెక్సాస్‌ డాక్టర్లు విజయవాడ ప్రభుత్వాసుపత్రికి ఐదు ఆక్సిజన్‌ కాన్సన్‌ట్రేషన్స్‌తో కూడిన ఆరు యూనిట్లను అందించినట్లు కలెక్టర్‌ ఇంతియాజ్‌ తెలిపారు. కలెక్టర్‌ క్యాంపు కార్యాలయంలో యూఎస్‌ ఇండియా చాంబర్‌ ఆఫ్‌ కామర్స్‌ వెస్ట్‌ టెక్సాస్‌ డాక్టర్ల బృందం కలెక్టర్‌కు ఆదివారం ఈ యూనిట్లను అందజేశారు. కలెక్టర్‌ ఇంతి యాజ్‌ మాట్లాడుతూ కరోనా స్ట్రైయిన్‌ వలన కొద్ది మందిలో ఆక్సిజన్‌ అవసరం ఏర్పడుతోందన్నారు. ఆక్సిజన్‌ కాన్సన్‌ట్రేషన్‌ పరికరం ఉపయోగించి మరికొందరికి భరోసాను కల్పించటం సాధ్యమవుతుందని ప్రతి నిధులు కలెక్టర్‌కు వివరించారు. మొత్తం రూ. 7 లక్షల లను సేకరించి ఆరు యూ నిట్లను కోనుగోలు చేశామని కలెక్టర్‌కు తెలిపారు. యూఎస్‌ ఇండియా చాంబర్‌ ఆఫ్‌ కామర్స్‌ వెస్ట్‌ టెక్సాస్‌ డాక్టర్లు వి.రవికుమార్‌, ఎన్‌.మురళి, డార్విన్‌ ఫార్మాకు చెందిన ఎస్‌.రత్నా రెడ్డి, వి.రమేష్‌ బాబు పాల్గొన్నారు.
