Abn logo
Sep 15 2021 @ 16:07PM

అమెరికాలో సిలికానాంధ్ర విశ్వవిద్యాలయం - ప్రపంచస్థాయి ప్రాంగణ నిర్మాణం

ప్రవాస భారతీయుల చరిత్రలో తొలిసారిగా భారతీయులచే 2016లో స్థాపించబడి, ప్రతిష్టాత్మకమైన WASC SCUC (Senior College and University Commission) గుర్తింపు పొందిన సిలికానాంధ్ర విశ్వవిద్యాలయం (University of Silicon Andhra) శాన్ వాకిన్ జిల్లా పరిధిలోని ట్రేసీ పట్టణ సమీపంలో ప్రపంచస్థాయి విద్యాప్రాంగణ నిర్మాణానికి తలపెట్టింది. ఈ ప్రాంగణ నిర్మాణానికి ఎంతో విలువైన 67 ఎకరాల భూమిని సంధు కుటుంబం ఇచ్చింది. ప్రపంచ ప్రసిద్ధిపొందిన సిలికాన్ వ్యాలీకి సమీపంలో ప్రధాన రహదారి పక్కన ఈ విశ్వవిద్యాలయ ప్రాంగణం రూపుదిద్దుకోనుంది. సిలికానాంధ్ర విశ్వవిద్యాలయం ద్వారా శాన్ వాకిన్ జిల్లా యువత అనేక రకాలుగా లబ్ధి పొందుతారని సంధు కుటుంబ సభ్యులు మైక్ సంధు, మణి సంధు ఆశాభావాన్ని వ్యక్తం చేశారు.


విశ్వవిద్యాలయ అధ్యక్షుడు కూచిభొట్ల ఆనంద్ మాట్లాడుతూ.. అందరి మన్నలను, సహకారాన్ని పొందిన సిలికానాంధ్ర విశ్వవిద్యాలయం స్థానికంగా, దేశవ్యాప్తంగా విభిన్న రంగాల అభివృద్ధి కోసం సముచితమైన విద్యాబోధనను అందిస్తుందన్న విశ్వాసాన్ని వ్యక్తం చేశారు. స్థానికంగా ఉండే అట్టడుగు వర్గాల అభివృద్ధికి తోడ్పడుతూ స్పష్టమైన ప్రణాళికతో ఉన్నతస్థాయిలో పరిశోధనాత్మకమైన విద్యను అందించే దిశగా విశ్వవిద్యాలయం పథకాలను అవలంబిస్తుందన్నారు. రాబోయే 5 సంవత్సరాల కాలంలో సిలికానాంధ్ర విశ్వవిద్యాలయం ఈ ప్రాంగణ నిర్మాణం సింహభాగాన్ని పూర్తిచేయాలన్న తలంపుతో ఉన్నది. ఈ విశ్వవిద్యాలయ ప్రాంగణ నిర్మాణానికి సుమారుగా 450 మిలియన్ డాలర్ల (రూ.3,300 కోట్లు) ఖర్చు అవుతుందని అంచనా. దాతల సహకారంతో ఈ విశ్వవిద్యాలయ ప్రాంగణం రూపుదిద్దుకోనుంది.


ప్రొవోస్ట్ చమర్తి రాజు మాట్లాడుతూ.. శాన్ వాకిన్ జిల్లా సామాజిక, ఆర్థిక అభివృద్ధి కోసం సహయపడే విద్యాప్రణాళికను రూపొందిస్తామని అన్నారు. ఇంజనీరింగ్, మెడికల్, ఫార్మసీ, భాషాశాస్త్రాలు, యోగ, ఆయుర్వేద, సంగీత నృత్య కళలలో BS/MS/MA మరియు Ph.D. డిగ్రీలను అందించే అత్యున్నత స్థాయి విశ్వవిద్యాలయంగా రూపొందబోతోందని తెలిపారు. ఇక ఉన్నతవిద్యను అందించే సిలికానాంధ్ర విశ్వవిద్యాలయం శాన్ వాకిన్ జిల్లా ప్రాంతానికి రావటం పట్ల ప్రభుత్వ అధికారులు, స్థానిక పాలకులు హర్షం వ్యక్తం చేశారు. సిలికానాంధ్ర విశ్వవిద్యాలయానికి సంబంధించిన పూర్తి వివరాలు https://www.uofsa.edu వెబ్‌సైట్‌లో చూడొచ్చని విశ్వవిద్యాలయం టెక్నాలజీ డైరెక్టర్ ఫణి మాధవ్ కస్తూరి తెలిపారు.

ఇవి కూడా చదవండిImage Caption

జీవితాంతం గుర్తుండిపోయేలా భారీ ఓటమిని వాళ్లకు గిఫ్ట్‌గా ఇస్తా.. ట్రంప్ కామెంట్స్సింగపూర్‌లో వైభవంగా బతుకమ్మ సంబరాలు సిలికానాంధ్ర విశ్వవిద్యాలయానికి WASC గుర్తింపు

తాజా వార్తలుమరిన్ని...