Abn logo
Oct 26 2020 @ 16:17PM

నవంబర్ మొదటి వారంలో ఆక్స్‌ఫర్డ్ వ్యాక్సిన్?

లండన్: యూకేకు చెందిన ఆక్స్‌ఫర్డ్ యూనివర్శిటీ అభివృద్ధి చేస్తున్న కొవిడ్-19 మొదటి బ్యాచ్ వ్యాక్సిన్‌ను లండన్‌లోని ఓ ఆసుపత్రి సిబ్బంది తీసుకోనున్నట్టు వార్తలు వస్తున్నాయి. నవంబర్ మొదటి వారంలో వ్యాక్సిన్‌ను తీసుకునేందుకు సిద్దంగా ఉండాలని ఈ ఆసుపత్రికి ఆదేశాలు వచ్చినట్టు యూకేకు చెందిన ఓ ప్రముఖ పత్రిక సోమవారం వెల్లడించింది. కరోనా మహమ్మారి ప్రపంచాన్ని ఏ విధంగా వణికిస్తోందో కొత్తగా చెప్పనవసరం లేదు. ప్రపంచవ్యాప్తంగా ఇప్పటివరకు 4.3 కోట్లకు పైగా కరోనా కేసులు నమోదయ్యాయి. కరోనా బారిన పడి 11 లక్షలకు పైగా ప్రాణాలు కోల్పోయారు. ఇక అనేక దేశాల్లో కరోనా వ్యాక్సిన్ ప్రయోగాలు జరుగుతున్నాయి. ఆక్స్‌ఫర్డ్, ఆస్ట్రాజెనెకా సంయుక్తంగా రూపొందిస్తున్న వ్యాక్సిన్ మొదటగా బయటకు వచ్చే అవకాశమున్నట్టు విశ్లేషకులు అభిప్రాయపడుతున్నారు. రెగ్యులేటరీ అప్రూవల్ కూడా ముందుగా ఈ వ్యాక్సిన్ పొందే అవకాశముందని చెబుతున్నారు.

Advertisement
Advertisement
Advertisement