Advertisement
Advertisement
Latest Telugu News
Advertisement
Published: Mon, 23 Aug 2021 08:44:20 IST

Big fan of PM: మోదీని కలిసేందుకు కశ్మీర్ యువకుడు ఏం చేశాడంటే...

twitter-iconwatsapp-iconfb-icon
Big fan of PM: మోదీని కలిసేందుకు కశ్మీర్ యువకుడు ఏం చేశాడంటే...

 ఉధంపూర్ (జమ్మూకశ్మీర్): ప్రధానమంత్రి నరేంద్రమోదీ వీరాభిమాని అయిన ఫాహిమ్ నజీర్ షా అనే యువకుడు శ్రీనగర్ నుంచి ఢిల్లీకి 815 కిలోమీటర్ల పాదయాత్ర ప్రారంభించారు. జమ్మూకశ్మీరులోని శ్రీనగర్ లోని షాలిమార్ ప్రాంతానికి చెందిన పార్ట్ టైమ్ ఎలక్ట్రీషియన్ గా పనిచేస్తున్న 28 ఏళ్ల ఫాహిమ్ ప్రధాని మోదీని కలవాలనే ఆకాంక్షతో కాలినడకన శ్రీనగర్ నుంచి బయలుదేరాడు. రెండు రోజులక్రితం ప్రారంభమైన తన పాదయాత్రలో విరామం తీసుకుంటూ 200 కిలోమీటర్లు నడిచి ఉధంపూర్ నగరానికి చేరుకున్నాడు.

కష్టమైన కాలినడక ప్రయాణంలో ప్రధానమంత్రి మోదీని కలవాలనే తన కల నెరవేరుతుందని విశ్వాసం వ్యక్తం చేశాడు.‘‘నేను ప్రధానమంత్రి నరేంద్ర మోదీకి చాలా పెద్ద అభిమానిని.నేనుమోదీని కలవడానికి కాలినడకన ఢిల్లీకి వెళుతున్నాను, నేను ప్రధాని దృష్టిని ఆకర్షించాలని ఆశిస్తున్నాను. ప్రధానమంత్రిని కలవడం నా చిరకాల కల’’ అని ఫాహిమ్ చెప్పారు.గత నాలుగు సంవత్సరాలుగా తాను సోషల్ మీడియాలో ప్రధానమంత్రిని అనుసరిస్తున్నానని, మోదీ ప్రసంగం నా హృదయాన్ని తాకిందని అని షా చెప్పారు.

‘‘ఒక సమయంలో ప్రధాని మోదీ ఒక ర్యాలీలో ప్రసంగిస్తున్నప్పుడు, ‘అజాన్’ (ప్రార్థన కోసం ముస్లిం పిలుపు) విన్నప్పుడు అతను అకస్మాత్తుగా ప్రసంగాన్ని ఆపి, ప్రజలను ఆశ్చర్యపర్చారు, మా ప్రధానమంత్రి మోదీ చేసిన సంజ్ఞ నా హృదయాన్ని హత్తుకుంది, నేను మోదీకి వీరాభిమానిని అయ్యాను’’ అని షా వివరించారు.గత రెండున్నర సంవత్సరాలుగా ఢిల్లీలో ప్రధాని మోదీని కలిసేందుకు తాను అనేక ప్రయత్నాలు చేశానని షా చెప్పారు. ‘‘కశ్మీర్‌లో ప్రధాని చివరి పర్యటన సందర్భంగా, భద్రతా సిబ్బంది నన్ను కలిసేందుకు అనుమతించలేదు’’ అని ఆయన చెప్పారు.

‘‘ఈసారి నేను ప్రధానిని కలిసే అవకాశం వస్తుందని నాకు ఖచ్చితంగా తెలుసు’’ అని షా చెప్పారు.2019 లో జమ్మూ కశ్మీర్ ప్రత్యేక హోదా రద్దు చేసి, ఒక రాష్ట్రం నుంచి కేంద్రపాలిత ప్రాంతంగా మార్చిన తర్వాత మార్పు కనిపిస్తోందని ఆయన చెప్పారు. ‘‘కశ్మీర్ పరిస్థితిలో మార్పు ఉంది, అభివృద్ధి కార్యకలాపాలు వేగంతో జరుగుతున్నాయి, కేంద్రపాలిత ప్రాంతం ముందుకు సాగుతోంది’’ అని షా అన్నారు.విద్యావంతులైన నిరుద్యోగ యువకుల సమస్యలపై తాను ప్రధానమంత్రితో చర్చించాలనుకుంటున్నానని షా చెప్పారు. కేంద్రపాలిత ప్రాంతంలో పారిశ్రామిక రంగం అభివృద్ధి చెందుతుందని షా విశ్వాసం వ్యక్తం చేశారు.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

ప్రత్యేకంLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.