Abn logo
May 4 2021 @ 22:09PM

భారీ సర్పాలను పట్టిన ట్రాఫిక్ పోలీసుకు సత్కారం

హైదరాబాద్ : అంబర్‌పేటలోని సిపిఎల్ గ్రౌండ్స్‌ వద్ద పోలీస్ కమిషనర్ అంజనీ కుమార్ ఇంటి సమీపంలో మంగళవారం భారీ ఆకారంలో ఉన్న రెండు పాములను చూసి అక్కడున్న వారందరూ భయంతో పరుగులు తీశారు. అది చూసిన ఓ  ట్రాఫిక్ కానిస్టేబుల్ సాహసం చేసి వాటిని పట్టుకున్నాడు. 


ఆ సాహసం చేసింది మలక్‌పేట ట్రాఫిక్ పోలీస్ స్టేషన్‌కు చెందిన వెంకటేష్ నాయక్. విషయం తెలుసుకున్న పోలీస్ కమిషనర్ అంజని కుమార్ కానిస్టేబుల్ వెంకటేష్ నాయక్‌ను పిలిచి, అతను చేసిన సాహసానికి అభినందిస్తూ ఓ మెమెంటో ఇచ్చి సత్కరించారు. పట్టుబడ్డ ఆ పాములు ర్యాట్ స్నేక్ జాతికి చెందినవిగా తెలిసింది. వాటిని హైదరాబాద్ జూ పార్క్ అధికారులకు అప్పగించారు.

Advertisement