టాప్ టెన్
ABN , First Publish Date - 2020-10-01T09:21:56+05:30 IST
నేరాల్లో గ్రేటర్ హైదరాబాద్ దేశవ్యాప్తంగా పదోస్థానంలో నిలిచింది. 2017- 2019కు సంబంధించిన జాతీయ
నేరాల్లో గ్రేటర్ స్థానం
మహిళలపై పెరిగిన అఘాయిత్యాలు
రోడ్డు ప్రమాదాల్లో ఆరో స్థానం
ఎన్సీఆర్బీ నివేదిక వెల్లడి
గ్రేటర్లో నమోదైన నేరాలు
2017 14,462
2018 14,332
2019 15,333
2019లో..
హత్యలు 86
హత్యాయత్నాలు 203
రోడ్డు ప్రమాద మరణాలు 360
భ్రూణ హత్యలు 21
దాడులు 511
యాసిడ్ దాడి 1
హైదరాబాద్ సిటీ, సెప్టెంబర్ 30 (ఆంధ్రజ్యోతి): నేరాల్లో గ్రేటర్ హైదరాబాద్ దేశవ్యాప్తంగా పదోస్థానంలో నిలిచింది. 2017- 2019కు సంబంధించిన జాతీయ నేర గణాంకాల పట్టిక (నేషనల్ క్రైమ్ రికార్డ్స్ బ్యూరో)ను బుధవారం విడుదల చేశారు. ఈ మూడేళ్ల కాలంలో వివిధ నేరాలకు సంబంధించి మెట్రోనగరాల్లో, అలాగే ప్రత్యేక/స్థానిక చట్టాలకు సంబంధించిన కేసుల్లోనూ ఢిల్లీ ప్రథమ స్థానంలో ఉంది. హైదరాబాద్ పదో స్థానంలో ఉండగా, నమోదైన కేసుల సంఖ్య 2018 కంటే 2019కి భారీగా పెరిగింది.
2019లో దేశవ్యాప్తంగా 2,064 హత్యలు జరగ్గా 520 హత్యలతో ఢిల్లీ ప్రథమ స్థానంలో ఉంది. హైదరాబాద్లో 86 హత్యలు జరిగాయి. రోడ్డు ప్రమాదాల్లో మృతి చెందిన వారి సంఖ్యలోనూ ఢిల్లీ టాప్లో ఉండగా, హైదరాబాద్ ఆరో స్థానంలో నిలిచింది. హైదరాబాద్లో 2019లో మొత్తం 360 మంది రోడ్డు ప్రమాదాల్లో మృత్యువాత పడ్డారు. మొత్తంగా నేరాల్లో నగరం పదోస్థానంలో నిలిచింది.
ఎన్సీఆర్బీ ఇచ్చిన గణాంకాల్లో అహ్మదాబాద్ సూరత్(గుజరాత్), బెంగళూరు (కర్ణాటక), చెన్నయ్, కోయంబత్తూర్ (తమిళనాడు), ఢిల్లీ, లక్నో, గజియాబాద్, కాన్పూర్ (యూపీ), హైదరాబాద్ (తెలంగాణ), ఇండోర్ (మధ్యప్రదేశ్), జైపూర్ (రాజస్థాన్), కోచి, కోజికోడ్ (కేరళ), కోల్కాతా (పశ్చిమ బెంగాల్), ముంబై, పుణె, నాగ్పూర్ (మహారాష్ట్ర), పాట్నా (బిహార్) నగరాలకు సంబంధించిన నివేదిక రూపొందించారు.
2019లో మహిళలపై నేరాలు విపరీతంగా పెరిగాయి. 2017లో 2,272 నేరాలు నమోదు కాగా, 2018లో 2,332 నేరాలు నమోదయ్యాయి. 2019లో ఏకంగా నేరాల సంఖ్య 2,755కు చేరింది.
అత్యాచారాలు 184
దాడులు 126
రవాణా మార్గాల్లో దాడులు 6
ఇతర ప్రాంతాల్లో 28
అత్యాచార యత్నాలు 173
కిడ్నాప్లు/మిస్సింగ్లు 838
కిడ్నాప్/ డబ్బులు డిమాండ్ 3
యువతులు/మహిళల అక్రమ రవాణా 27
భర్త/అత్తింటి దాడులు 1,568
కించపరచడం 112
పోక్సో కేసులు 285
ఇతర నేరాలు
దాడులు 4,071
దోపిడీలు/చోరీలు 1,596
నకిలీ కరెన్సీ 9
మోసాలు 154
ఫోర్జరీ 416
ర్యాష్ డ్రైవింగ్ 2,616
ర్యాష్ డ్రైవింగ్ వల్ల గాయాలు 416
బాల కార్మికులు 21
ఎస్సీ ఎస్టీ అట్రాసిటీ 25
ఆయుధ చట్టం కింద... 38
ఐటీ కేసులు 1,379
మాదక ద్రవ్యాలు 99
సిగరెట్, పొగాకు ఉత్పత్తులు 180
పెండింగ్ కేసులు 2,076
ట్రయల్ పెండింగ్ 5,109
శిక్షలు పడిన కేసులు 163
శిక్ష పడిన వారు 711