Chitrajyothy Logo
Advertisement
Published: Tue, 15 Mar 2022 00:41:52 IST

‘కలికాలం’ సినిమా వెనుక ఇంత కథ ఉంది!

twitter-iconwatsapp-iconfb-icon

జయసుధ ప్రధాన పాత్రధారిణిగా ఆమె భర్త నితిన్‌కపూర్‌ నిర్మించిన చిత్రం ‘కలికాలం’. ఈ సినిమాకు ముత్యాల సుబ్బయ్య దర్శకత్వం వహించారు. ఈ చిత్రనిర్మాణం వెనుక పెద్ద కథ ఉంది. ‘కాలధర్మం’ నాటకం ఆధారంగా ఈ సినిమా రూపుదిద్దుకొంది. శ్రీరాజ్‌ ఆ నాటకాన్ని రాశారు. ఆ నాటకాన్ని ఓ సారి ప్రదర్శిస్తున్నప్పుడు దర్శకుడు ముత్యాల సుబ్బయ్య చూశారు. ఆయనకు బాగా నచ్చింది. సినిమాకు పనికి వచ్చే అంశాలు అందులో ఉండడంతో ఆ నాటకం మీదే ఆయన దృష్టి ఉండేది. అందుకే చెన్నైలోని సవేరా హోటల్‌ అధినేత ఏవీకె రెడ్డికి చెప్పి ఆ నాటకం కొనిపించారు ముత్యాల సుబ్బయ్య. 

‘కాలధర్మం’ నాటకం ఆధారంగా ఓ ప్రముఖ దర్శకునితో సినిమా తీయాలని ఏవికె రెడ్డి ఆలోచన. స్ర్కిప్ట్‌ డిస్కషన్స్‌ కోసం కొంత డబ్బు ఖర్చు పెట్టారు కానీ ఆ ప్రాజెక్ట్‌ ప్రారంభం కాలేదు. ఆ తర్వాత ముత్యాల సుబ్బయ్య ‘కాలధర్మం’ రైట్స్‌ వాళ్ల దగ్గర నుంచి కొన్నారు. రచయిత తోటపల్లి మధుతో కూర్చుని కథా చర్చలు జరిపి స్ర్కిప్ట్‌ తయారు చేశారు. ‘కాలధర్మం’ పేరుని ‘కలికాలం’గా మార్చారు. చంద్రమోహన్‌ , జయసుధ జంటగా ఈ చిత్రాన్ని తీయాలని ముత్యాల సుబ్బయ్య ఆలోచన. కథ రెడీగా ఉంది కానీ నిర్మాత లేడు. అందుకే తనకు తెలిసిన నిర్మాతలకు ఈ కథ చెప్పి, చంద్రమోహన్‌, జయసుధతో సినిమా తీద్దామని అంటే ఆ పేర్లు వినగానే వాళ్లు వెనక్కి జారుకున్నారు. ఆ జంటతో సినిమా తీస్తే ఎవరూ చూడరని వాళ్ల భయం. 


చివరకు ముత్యాల సుబ్బయ్య స్నేహితుడు శ్రీనివాసరెడ్డి చిత్రాన్ని తీయడానికి ముందుకు వచ్చారు. జయసుధ దగ్గరకు వెళ్లి కథ చెప్పారు. ఆ సమయంలో జయసుధ సినిమాలు లేక ఇంట్లోనే ఖాళీగా ఉన్నారు. సొంత సినిమాలు తీసి కూడా చాలా కాలం అయింది. ‘కలికాలం’ కథ వినగానే మళ్లీ నటించాలనీ, సొంత బేనరుపై ఆ కథతో సినిమా తీయాలని జయసుధ ఫిక్స్‌ అయ్యారు. ముత్యాల సుబ్బయ్య కూడా ఓకే అనడంతో ‘కాలధర్మం’ కథతో ‘కలికాలం’ చిత్రం పట్టాలెక్కింది.

-వినాయకరావు

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement