Advertisement
Advertisement
Latest Telugu News
Advertisement
Published: Fri, 29 Jul 2022 02:12:35 IST

విజయానికి మార్గం

twitter-iconwatsapp-iconfb-icon
విజయానికి మార్గం

న జీవితాన్ని గెలుపు, ఓటములతో ముడిపెడుతూ ఉంటాం. అనుకున్నది సఫలమయితే గెలిచేమనుకుంటాం. ‘మనోవాంఛా ప్రాప్తిరస్తు’ అని పెద్దలు కూడా దీవిస్తూ ఉంటారు, అంటే మన మనస్సులోని కోర్కెలు తీరాలని. ప్రతి అక్కరూ తమ కోర్కెలన్నీ తీరాలనుకుంటారు. కానీ అన్నీ పూర్తిగా తీర్చుకొనేవారెవరూ ఉండకపోవచ్చు.


మనస్సు చంచలమైనది. అది నిత్యం మారుతూ ఉంటుంది. ఏదైనా దుకాణంలో చీరో, చొక్కానో కొనడానికి వెళ్ళినప్పుడు... ఏది కనిపిస్తే అది కొనెయ్యరు కదా! నచ్చేది దొరికేవరకూ చూస్తూనే ఉంటారు. ఇదంతా మనసు ఆడించే ఆట. ఇలా అందరి జీవితాల్లోనూ జరుగుతూనే ఉంటుంది. అయితే ఇంతకూ విజయం అంటే ఏమిటి?  మనసులోని కోర్కెలు తీరితేనే విజయం సాధించినట్టూ, లేకపోతే ఓటమి పాలైనట్టూ అనుకుంటాం. కానీ జీవితం అంటే ఏమిటో స్పష్టంగా అర్థం చేసుకోవాలంటే... మనసును కాకుండా హృదయాన్ని ఆధారంగా చేసుకొని జీవించడం మొదలుపెట్టాలి. 


మనలో మనసూ ఉంది, హృదయమూ ఉంది. మనసు అడుగుజాడల్లో నడవడం అందరూ నేర్చుకున్నారు. మిగిలింది ఒక్కటే... హృదయం జాడల్లో నడవడం. హృదయ పయనంలో ధనిక-పేద, చిన్న-పెద్ద అనే తారతమ్యాలేవీ ఉండవు. ఎందుకంటే ప్రతి ఒక్కరి హృదయంలోనూ అపారమైన శాంతి, అపరిమితమైన ఆనందం నిక్షిప్తమై ఉన్నాయి ఆ నిక్షేపాన్ని చేరుకున్నప్పుడు మాత్రమే... హృదయదాహం సమసిపోతుంది. అంతేతప్ప పుస్తక పఠనం వల్లనో, మంచి మాటలు వినడం వల్లనో అది ఎన్నటికీ తీరదు. ఈ విషయాలన్నీ అందరికీ తెలిసినవే. కానీ అనుభవమే లోపించింది. 


మీరు ఓటమి పాలు కాకూడదనుకుంటే... అసలైన విజయం అంటే ఏమిటో ముందుగా తెలుసుకోండి. అసలైన విజయం సాధించడం కోసం... ముందుగా మీ హృదయానికి శాంతి చేకూర్చండి. హృదయం పిలుపును ఆలకించండి. ఈ విషయాల్లో సరైన అవగాహన లేకపోవడం వల్లే... గెలుపు సాధించామని సంబరపడిన మరుక్షణమే... ఓటమి పాలైనట్టు అసంతృప్తికి గురవుతాం. ఇలా చాలాసార్లు జరుగుతుంది. జీవితంలో అసలైన విజయం అంటే ఏమిటో, అదెలా సాధ్యమవుతుందో తెలుసుకోనంతవరకూ... ఓటమిపాలైనట్టే జీవనం సాగిస్తూ ఉంటాం. విజయాన్ని ఏనాడూ రుచి చూడకుండా మరణిస్తే... ఇక ఈ జీవితంలో ఏం సాధించినట్టు? ఈ జీవితం ఎందుకు లభించినట్టు?


నిజానికి మనం జన్మించి, ఇప్పటివరకూ సజీవంగా ఉండడం అంటేనే... విజయం మనల్ని వరించినట్టు! దీనిలో గెలుపు ఓటములతో పనిలేదు. పోరాడకపోయినా మనల్ని విజయం వరించింది, కాబట్టే జీవించి ఉన్నాం. ఈ వాస్తవాన్ని గ్రహించండి. ఏనాడైతే మనసును కాకుండా హృదయాన్ని శాంతపరుస్తారో... అప్పుడు ఓటమి ఎరుగని అసలైన విజయం మీ సొంతం అవుతుంది.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement

ఓపెన్ హార్ట్Latest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.