వేసవిలోనూ ‘జల’హొయలు
ABN , First Publish Date - 2022-05-18T07:06:08+05:30 IST
ఎండాకాలంలోనూ ‘చెలిమిచేను’ జలహొయలు పోతోంది. చుట్టూ పరచుకున్న పచ్చదనం.. కొండలు చీల్చుకుంటూ 150 అడుగుల ఎత్తు నుంచి జాలువారే జలపాతం ప్రకృతి ప్రేమికులను అలరిస్తోంది.
రామకుప్పం: ఎండాకాలంలోనూ ‘చెలిమిచేను’ జలహొయలు పోతోంది. చుట్టూ పరచుకున్న పచ్చదనం.. కొండలు చీల్చుకుంటూ 150 అడుగుల ఎత్తు నుంచి జాలువారే జలపాతం ప్రకృతి ప్రేమికులను అలరిస్తోంది. రామకుప్పం మండలం చిక్కపల్లెతాండా పంచాయతీ చెలిమిచేను సమీపంలో ఈ జలపాతం ఉంది. ఏటా ఆగస్టు నుంచి డిసెంబరు వరకే జలకళ ఉండేది. ఆ తర్వాత కళావిహీనంగా మారుతుంది. మరిప్పుడు.. పదిరోజులుగా కురుస్తున్న వర్షాలతో ఎగువప్రాంతంలోని చెరువులు, వాగులు, వంకల నుంచి వస్తున్న నీటితో జలపాతం జలజలపారుతోంది. రామకుప్పానికి 13 కిలోమీటర్ల దూరంలోని ఈ జలపాతానికి దారి వసతి.. సందర్శకులకు రక్షణ చర్యలు చేపడితే పర్యాటకంగా మరింత అభివృద్ధి చెందుతుంది. ఇక, జలపాతం వద్ద గల రెండు కొండల మధ్య డ్యాం నిర్మిస్తే పది పంచాయతీల పరిధిలో భూగర్భజలాలు వృద్ధి చెందుతుంది. వన్యప్రాణుల దాహార్తి తీరుతుంది.