బతుకమ్మ పండుగకు ప్రపంచ వ్యాప్త గుర్తింపు తెచ్చిన రాష్ట్ర ప్రభుత్వం
ABN , First Publish Date - 2022-09-27T05:55:39+05:30 IST
బతుకమ్మ పండుగకు ప్రపంచ వ్యాప్త గుర్తింపు తెచ్చిన రాష్ట్ర ప్రభుత్వం
ఘట్‌కేసర్‌/మేడ్చల్‌/పెద్దేముల్‌/బషీరాబాద్‌, సెప్టెంబరు 26: బతుకమ్మ పం డుగకు ప్రపంచ గుర్తింపును తీసుకువచ్చిన ఘనత తెలంగాణ ప్రభుత్వందేనని ఘట్‌కేసర్‌ మున్సిపాలిటీ 3వ వార్డు కౌన్సిలర్‌ బొక్క సంగీతాప్రభాకర్‌రెడ్డి అన్నారు. సోమవారం మున్సిపాలిటీ పరిధిలోని చందుపట్లగూడలో ఆమె మహిళలకు బతుకమ్మ చీరలను పంపిణీ చేశారు. ఈసందర్బంగా ఆమె మాట్లాడుతూ తెలంగాణలో అన్ని మతాల పండుగలకు సీఎం కేసీఆర్‌ సమాన ప్రాధాన్యతనిస్తున్నట్లు గుర్తుచేశారు. తెలంగాణలో బతుకమ్మ పండుగను ఘనంగా జరుపుకోవడానికి మహిళలకు బతుకమ్మ చీరలను పంపిణీ చేస్తున్నట్లు వివరిచాచారు. ఘట్‌కేసర్‌ మున్సిపాలిటీ అభివృద్ధిలో దూసుకుపోతూ రెండోసారి స్వచ్ఛ సర్వేక్షణ్‌ అవార్డు సాదించడంలో అందరి కృషి మరువలేనిదన్నారు. సజల, కన్యాకుమారి, మల్లమ్మ, ఆండాలు, కల్పన, పోచమ్మ. భారతమ్మ. బాలమణి మంగమ్మ, లక్ష్మమ్మ తదితరులు పాల్గొన్నారు. మేడ్చల్‌ మండలం రాయిలాపూర్‌లో బతుకమ్మ చీరలను పంపిణీ చేశారు. సర్పంచ్‌ మెట్టు నర్మదగోపాల్‌రెడ్డి బతుకమ్మ చీరలను అందజేశారు. ఎంపీటీసీ అనూపశ్రీకాంత్‌రెడ్డి, ఉపసర్పంచ్‌ శివలక్ష్మీ, టీఆర్‌ఎస్‌ పార్టీ నాయకులు కొడిమాల రఘుపతిరెడ్డి, ఎం.రవీందర్‌రెడ్డి పాల్గొన్నారు. పెద్దేముల్‌ మండలం కందనెల్లిలో బతుకమ్మ చీరలను పంపిణీ చేశారు. వైస్‌ ఎంపీపీ మధులత, ఉపాధి హామీ ప్రతినిధి వి.ఆంజనేయులు, కారోబార్‌ భీమ్‌ పాల్గొన్నారు. బషీరాబాద్‌ మండలం పర్వత్‌పల్లిలో సర్పంచ్‌ పీర్మాబేగం, ఉప సర్పంచ్‌ బ్రహ్మానందరెడ్డి బతుకమ్మ చీరలు పంపిణీ చేశారు.
