జవానుల సేవలు చిరస్మరణీయం
ABN , First Publish Date - 2021-12-09T06:35:49+05:30 IST
దేశరక్షణ కోసం తమ ప్రాణాలను అర్పించిన వీరజవానుల సేవలు చిరస్మరణీయమని ప్రిన్సిపల్ యువరాజ్ అన్నారు. అంగళ్లు సమీపంలోని మిట్స్ ఇంజనీరింగ్ కళాశాలలో ఎన్సీసీ విభాగం ఆధ్వర్యంలో భారత సైనిక దళాల పతాక దినోత్సవాన్ని పురస్కరించుకుని ర్యాలీని నిర్వహించారు.
కురబలకోట, డిసెంబరు 8: దేశరక్షణ కోసం తమ ప్రాణాలను అర్పించిన వీరజవానుల సేవలు చిరస్మరణీయమని ప్రిన్సిపల్ యువరాజ్ అన్నారు. అంగళ్లు సమీపంలోని మిట్స్ ఇంజనీరింగ్ కళాశాలలో ఎన్సీసీ విభాగం ఆధ్వర్యంలో భారత సైనిక దళాల పతాక దినోత్సవాన్ని పురస్కరించుకుని ర్యాలీని నిర్వహించారు. ఈ సందర్భంగా ఆయన మాట్లాడుతూ దేశ రక్షణ కోసం విపత్తుల సమయాల్లో సేవలందించడానికి ఎన్సీసీ కేడెట్లు సిద్ధంగా ఉండాలన్నారు. అంతేకాకుండా సామాజిక సేవా కార్యక్రమాల్లో చురుగ్గా పాల్గొని ఆదర్శవంతంగా నిలవాలన్నారు. వీరజవానుల కోసం రూ.13,500 విరాళాన్ని సేకరించారు. ఈ కార్యక్రమంలో లెఫ్టినెంట్ నవీన్కుమార్, మంజు, విక్రమ్ తదితరులు పాల్గొన్నారు.