సినిమా సీన్ను తలపిస్తున్న ఘటన.. పట్టపగలే షాపింగ్ మాల్లోకి దూసుకొచ్చిన కారు.. చివరకు..
ABN , First Publish Date - 2022-05-30T01:44:34+05:30 IST
ఒక్కోసారి కలలో కూడా ఊహించని ఘటనలు జరుగుతుంటాయి. ప్రస్తుతం సోషల్ మీడియా ప్రభావం ఎక్కువగా ఉండడంతో ఎక్కడ ఏం జరిగినా ఇట్టే తెలిసిపోతోంది. తాజాగా సోషల్ మీడియాలో ఓ వీడియో...
ఒక్కోసారి కలలో కూడా ఊహించని ఘటనలు జరుగుతుంటాయి. ప్రస్తుతం సోషల్ మీడియా ప్రభావం ఎక్కువగా ఉండడంతో ఎక్కడ ఏం జరిగినా ఇట్టే తెలిసిపోతోంది. తాజాగా సోషల్ మీడియాలో ఓ వీడియో వైరల్ అవుతోంది. ఓ షాపింగ్ మాల్లో కస్టమర్లు సరుకులు కొనే పనిలో ఉన్నారు. అయితే వారు ఊహించని విధంగా ఉన్నట్టుండి ఓ కారు లోపలికి దూసుకొచ్చింది. అనూహ్యంగా జరిగిన ఈ ఘటనతో అక్కడున్న వారంతా షాక్ అయ్యారు.
అమెరికా టెంపే నగరంలోని ఓ షాపింగ్ మాల్లో ఈ ఘటన చోటుచేసుకుంది. కస్టమర్లతో షాపింగ్ మాల్ రద్దీగా ఉంది. అంతా ఎవరికి కావాల్సిన వస్తువులు వారు కొనే పనిలో ఉన్నారు. ప్రవేశ మార్గం వద్ద ఇద్దరు ఉద్యోగులు మాట్లాడుకుంటూ ఉన్నారు. అదే సమయంలో ఓ కారు ఒక్కసారిగా అద్దాలు పగులగొట్టుకుంటూ వచ్చింది. క్షణాల్లో అక్కడున్న ఇద్దరు ఉద్యోగులను ఢీకొట్టి.. అలాగే లోపలికి దూసుకెళ్లింది. దీంతో అక్కడున్న వారంతా ఒక్కసారిగా షాక్ అయ్యారు. అంతా తేరుకునేలోపే జరగాల్సిన నష్టం మొత్తం జరిగిపోయింది. అయితే అదృష్టవశాత్తు ఇద్దరు ఉద్యోగులు గాయాలతో బయటపడ్డారు. ప్రస్తుతం వారు ఆస్పత్రిలో చికిత్స పొందుతున్నారు. ఈ ఘటన మొత్తం అక్కడే ఉన్న సీసీ కెమెరాలో రికార్డు అయింది. ప్రస్తుతం ఈ వీడియో నెట్టింట తెగ చక్కర్లు కొడుతోంది.