వైసీపీ, టీడీపీ వర్గాల ఘర్షణ
ABN , First Publish Date - 2020-05-31T09:22:13+05:30 IST
శ్రీకాకుళం జిల్లా సంతబొమ్మాళి మండలం నరసాపురం పంచాయతీ పందిగుంట గ్రామంలో శనివారం వైసీపీ, టీడీపీ వర్గాల మధ్య కొట్లాట చోటుచేసుకుంది. గ్రామంలో పాఠశాల భవనం వద్ద తాగునీటి బోరు విషయమై ఇరువర్గాల
సంతబొమ్మాళి, మే 30: శ్రీకాకుళం జిల్లా సంతబొమ్మాళి మండలం నరసాపురం పంచాయతీ పందిగుంట గ్రామంలో శనివారం వైసీపీ, టీడీపీ వర్గాల మధ్య కొట్లాట చోటుచేసుకుంది. గ్రామంలో పాఠశాల భవనం వద్ద తాగునీటి బోరు విషయమై ఇరువర్గాల మధ్య ఘర్షణకు దారి తీసింది. ఈ క్రమంలో వైసీపీకి చెందిన డొక్కరి మల్లేషు, టీడీపీకి చెందిన పిల్లల పోలయ్య వర్గాలు రాళ్లు రువ్వుకున్నాయి. ఈ ఘటనలో 30 మందికి పైగా స్వల్ప గాయాలయ్యాయి. సంఘటనా స్థలాన్ని ట్రైనీ డీఎస్పీ శ్రీలత, టెక్కలి సీఐ నీలయ్య సందర్శించారు. గ్రామంలో పోలీస్ పికెట్ ఏర్పాటు చేశారు.