Chitrajyothy Logo
Advertisement
Published: Wed, 29 Jun 2022 00:15:21 IST

అందుకే ఆ పాట తీసేశాం!

twitter-iconwatsapp-iconfb-icon

‘సమ్మతమే’తో తొలిసారి మెగాఫోన్‌ పట్టారు గోపీనాథ్‌ రెడ్డి. కిరణ్‌ అబ్బవరపు హీరోగా నటించిన చిత్రమిది. ఇటీవలే ప్రేక్షకుల ముందుకు వచ్చింది. ఈ చిత్రానికి వస్తున్న స్పందన పట్ల గోపీనాథ్‌ సంతోషం వ్యక్తం చేశారు. మంగళవారం ఆయన హైదరాబాద్‌లోని పాత్రికేయులతో మాట్లాడారు. ‘‘చిరు జల్లుల మధ్య బైక్‌ రైడ్‌ లాంటి సినిమా తీయాలని.. ‘సమ్మతమే’ కథ రాసుకొన్నాను. చాలా మంచి స్పందన వస్తోంది. ఈ కథకు ఎక్కువగా యువతరం కనెక్ట్‌ అవుతుందనుకొన్నాను. కానీ.. పెద్దవాళ్లకూ నచ్చింది. ‘రాజావారు రాణీగారు’ అయిన వెంటనే కిరణ్‌తో ఈ సినిమా చేయాలి. కానీ కాస్త లేటయింది. ఈలోగా.. కిరణ్‌ ఇమేజ్‌ మారింది కదా అని ఈ సినిమాలో ఓ పాటని చివర్లో ఇరికించాం. సినిమా మొత్తం చూసుకుంటున్నప్పుడు ఆ పాటే అడ్డు తగులుతున్నట్టు అనిపించింది. అందుకే ఆ పాటని కత్తిరించాం. కథకు ఏం కావాలో అది నిజాయతీగా ఇస్తే సరిపోతుంది’’ అన్నారు.


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International