Chitrajyothy Logo
Advertisement
Published: Tue, 18 Jan 2022 00:07:19 IST

ఆ వివాదం త్వరలో సమసిపోతుంది

twitter-iconwatsapp-iconfb-icon
ఆ వివాదం త్వరలో సమసిపోతుంది

ఉమ్మడి ఆదిలాబాద్‌ జిల్లాలోని ప్రకృతి అందాలను త్వరలోనే తెరకెక్కిస్తానని దర్శకుడు వంశీ పైడిపల్లి అన్నారు. నిర్మల్‌ జిల్లా ఖానాపూర్‌ వచ్చిన వంశీ సోమవారం తన నివాసంలో మీడియాతో మాట్లాడారు. ఈ సందర్భంగా ఏపీలో ప్రభుత్వానికి, సినీరంగానికి మధ్య నెలకొన్న వివాదం త్వరలోనే సమసిపోతుందని విలేకరులు అడిగిన ఓ ప్రశ్నకు సమాధానంగా చెప్పారు. ఇప్పటికే ఆ రాష్ట్ర ముఖ్యమంత్రి వైఎస్‌ జగన్‌తో చిరంజీవి సమావేశమయ్యారని, ఈ అంశంలో ఎవ్వరూ పెద్దగా మాట్లాడవద్దని, త్వరలోనే వివాదం సద్దుమణుగుతుందని సినీరంగ పెద్దలు భావిస్తున్నారన్నారు. ‘మహర్షి’ సినిమా తనకు జీవితంలో మరిచిపోలేని మధురస్మృతులను మిగిల్చిందన్నారు. ఈ సినిమా జాతీయ స్థాయిలో ఉత్తమ చిత్రంగా ఎంపికవ్వడం, తనకు జాతీయ అవార్డు రావడం మాటల్లో చెప్పలేని అనుభూతిని మిగిల్చిందన్నారు. ఆ సినిమా చూసిన తర్వాత భారత ఉప రాష్ట్రపతి వెంకయ్యనాయుడు చేసిన ట్విట్‌ తనలో మరింత స్ఫూర్తిని నింపిందన్నారు. తాను ప్రస్తుతం తమిళ్‌లో దళపతి విజయ్‌తో సినిమా చేస్తున్నానని తెలిపారు.

ఆంధ్రజ్యోతి (ఖానాపూర్‌)


Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International