మాస్క్ ముఖానికి, బండికి కాదు .. హైదరాబాద్ పోలీసుల ట్వీట్

హైదరాబాద్: సోషల్ మీడియాలో హైదరాబాద్ పోలీస్ శాఖ చాలా చురుగ్గా ఉంటున్న విషయం తెలిసిందే. వాహనదారులకు అవగాహన కలిగించేందుకు.. అర్థవంతంగా, వినోదాత్మకంగా ట్వీట్లు చేస్తున్నారు. తాజాగా ఓ వాహనదారుడు తన నెంబర్ ప్లేట్ కనిపించడకుండా మాస్క్ అడ్డం పెట్టాడు. హైదరాబాద్ ట్రాఫిక్ పోలీసులు ఈ విషయాన్ని ట్వీట్ చేస్తూ... అతనిపై చట్టపరమైన చర్యలు తీసుకోవాలంటూ సంబంధిత అధికారులకు ఆదేశాలు జారీ చేశారు. దీన్ని రీ ట్వీట్ చేసిన రాష్ట్ర పోలీస్ విభాగం.. మాస్క్ ముఖానికి, బండికి కాదు అని పేర్కొంది. ట్రాఫిక్ రూల్స్ పాటించడం ద్వారా చలానా తప్పించుకోవచ్చని పేర్కొంది. ట్రాఫిక్ రూల్స్ అనేవి అందరి సౌకర్యార్థం, క్షేమం కోసమని గుర్తించాలని తెలిపింది.