మహాపాదయాత్రను అడ్డుకోవాలని చూడటం దుర్మార్గం: టీడీపీ
ABN , First Publish Date - 2021-11-07T18:33:48+05:30 IST
రైతుల మహాపాదయాత్రను పోలీసులతో అడ్డుకోవాలని చూడటం దుర్మార్గమని టీడీపీ నేతలు అన్నారు.
గుంటూరు: రాజధాని రైతుల మహాపాదయాత్రను పోలీసులతో అడ్డుకోవాలని చూడటం దుర్మార్గమని టీడీపీ నేతలు మాజీ మంత్రి ప్రత్తిపాటి పుల్లారావు, మాజీ ఎమ్మెల్యే కొమ్మాలపాటి శ్రీధర్ విమర్శించారు. ఈ సందర్భంగా వారు మీడియాతో మాట్లాడుతూ పోలీసులు నోటీసులు ఇవ్వడాన్ని తీవ్రంగా ఖండిస్తున్నామన్నారు. పార్టీలకు అతీతంగా ప్రజలు స్వచ్ఛందంగా పాదయాత్రకు వస్తున్నారని, ప్రజాధరణ చూసి వైసీపీ ప్రభుత్వానికి వణుకు పుడుతోందన్నారు. వైసీపీకి వర్తించని కొవిడ్ నిబంధనలు మహాపాదయాత్రకే వర్తిస్తాయా? అని ప్రశ్నించారు.
