Advertisement
Advertisement
Abn logo
Advertisement

నీరసం తగ్గడానికి ఆ మాత్రలు..

ఆంధ్రజ్యోతి( 19-08-2020)

ప్రశ్న: మా అమ్మకు అరవై ఏళ్ళు. నీరసంగా ఉంటోంది. ఏవైనా టానిక్‌ లేదా శక్తినిచ్చే మాత్రలు వాడాలా?


- అరుంధతి, హిందూపురం 


డాక్టర్ సమాధానం: వయసు పెరుగుతున్న కొద్దీ శరీరంలో జీవ క్రియ వేగం తగ్గుతుంది. జీర్ణశక్తి, ఆహారాన్ని శోషించుకునే గుణం మందగిస్తుంది. వాసన, రుచి గ్రహించే శక్తీ సన్నగిల్లుతుంది. అందుకే ఆహారంలోనే కాక జీవన విధానంలోనూ కొన్ని రకాల జాగ్రత్తలు తీసుకుంటే నీరసం తగ్గి శక్తి పెరుగుతుంది. పప్పులు, ఆకుకూరలు, కాయగూరలు, పండ్లు ఎక్కువగా తీసుకోవాలి. ఒకేసారి ఎక్కువగా తినకుండా, మూడు గంటలకోసారి  కొద్ది మొత్తంలో ఆహారం తీసుకోవచ్చు. పీచు పదార్ధాలు ఎక్కువగా తీసుకుంటే జీర్ణాశయ ఆరోగ్యం బాగుంటుంది. రోజుకు కనీసం రెండు నుండి మూడు లీటర్ల నీరు తీసుకోవాలి. ఉదయం, సాయంత్రం నడక, యోగా వంటివి చేస్తే మంచిది. వయసు పెరిగేకొద్దీ కండరాల పటుత్వం తగ్గే అవకాశం ఉంది. దీనిని నివారించడానికి ప్రొటీన్లు ఎక్కువగా తీసుకోవాలి. గుడ్లు, మాంసం, చేపలు, పాలు, పెరుగు వంటివి తీసుకోవచ్చు. జ్ఞాపకశక్తిని, మెదడు పనితనాన్ని కాపాడే ఒమేగా-3 ఫాటీ యాసిడ్లు ఉన్న చేపలు, అవిసె గింజలు, ఆక్రోట్‌ గింజలు రోజూ తీసుకోవాలి. శరీరానికి తగినంత నిద్రను కూడా అందించాలి. వైద్యుల సలహాతో వారు సూచించిన సప్లిమెంట్లను వాడవచ్చు. సొంత వైద్యం వద్దు. 


డా. లహరి సూరపనేని

న్యూట్రిషనిస్ట్, వెల్‌నెస్ కన్సల్టెంట్

nutrifulyou.com(పాఠకులు తమ సందేహాలను

[email protected]ail.comకు పంపవచ్చు)

Advertisement
Advertisement

ప్రత్యేకం మరిన్ని...