'స్వీడన్ తెలుగు కమ్యూనిటీ' ఆధ్వర్యంలో 'తెలుగు భాషా దినోత్సవం'

ABN , First Publish Date - 2020-08-30T17:23:33+05:30 IST

స్వీడన్ రాజధాని స్టాక్ హోంలో 'స్వీడన్ తెలుగు కమ్యూనిటీ' ఆధ్వర్యంలో శనివారం తెలుగు విద్యార్థులు, తల్లిదండ్రులు 'తెలుగు భాషా దినోత్సవం' ఘనంగా జరుపుకున్నారు.

'స్వీడన్ తెలుగు కమ్యూనిటీ' ఆధ్వర్యంలో 'తెలుగు భాషా దినోత్సవం'

స్టాక్ హోం: స్వీడన్ రాజధాని స్టాక్ హోంలో 'స్వీడన్ తెలుగు కమ్యూనిటీ' ఆధ్వర్యంలో శనివారం తెలుగు విద్యార్థులు, తల్లిదండ్రులు 'తెలుగు భాషా దినోత్సవం' ఘనంగా జరుపుకున్నారు. ఈ సందర్భంగా 'స్వీడన్ తెలుగు కమ్యూనిటీ' చైర్మన్ సురేంద్ర అలుగునూల మాట్లాడుతూ తోటి తెలుగు వారు, పిల్లలతో కలిసి స్వీడన్‌లో మొదటిసారిగా 'తెలుగు భాషా దినోత్సవం' జరుపుకోవడం ఎంతో ఆనందంగా ఉందన్నారు. ఈ సంప్రదాయం ఇలానే కొనసాగిస్తూ పిల్లలకు తెలుగు పట్ల ఆసక్తిని రెకేత్తించ్చే విధంగా కార్యక్రమాలు భవిష్యత్తులో కూడా జరుపుకోవాలని పిలుపునిచ్చారు. దీనికి తల్లిదండ్రుల ప్రోత్సాహం కావాలని కోరారు.


ఈ సందర్భంగా పిల్లలకు తెలుగు చదవడం, రాయడం, వినడం, కథాకథనం, తెలుగులో క్విజ్, పద్యాలు, గేయాలు వంటి పోటీ కార్యక్రమాలను ప్రాథమిక, మధ్యమ స్థాయిలో నిర్వహించారు. ఈ పోటీ కార్యక్రమాలలో ఐదు నుండి పదిహేను సంవత్సరాల పిల్లలు ఉత్సాహంగా పాల్గొన్నారు. విజేతలకు కార్యక్రమం చివరలో బహుమతులు, ప్రశంస పత్రాలు ఇవ్వడం జరిగింది. ఈ కార్యక్రమంలో 'స్వీడన్ తెలుగు కమ్యూనిటీ' బోర్డు సభ్యులు ప్రవీణ్ రంగినేని, గంగాధర్ నీరడి, నిరంజన్ కోమాండ్ల, రమ పాలడుగు పాల్గొన్నారు. ఈ కార్యక్రమ నిర్వహణలో దీపికా గూడ, రమేష్ దేసు, ప్రత్యూష భూపతి తదితరులు సహకరించారు. 


Updated Date - 2020-08-30T17:23:33+05:30 IST