Chitrajyothy Logo
Advertisement
Published: Wed, 10 Aug 2022 12:00:45 IST

Swathi Muthyam: రిలీజ్ డేట్ ఫిక్స్..

twitter-iconwatsapp-iconfb-icon

ప్రముఖ నిర్మాత బెల్లంకొండ సురేష్ (Bellamkonda Suresh) రెండవ కొడుకు బెల్లంకొండ గణేష్ (Bellamkonda Ganesh) హీరోగా ఎంట్రీ ఇస్తున్న చిత్రం 'స్వాతిముత్యం' (Swathi Muthyam). ఈ మూవీకి సంబంధించిన కొత్త విడుదల తేదీని ప్రకటించారు. ఈ సినిమాతో లక్ష్మణ్ కె కృష్ణ (Lakshman K Krishna) దర్శకుడిగా టాలీవుడ్ ఇండస్ట్రీకి పరిచయం అవుతున్నాడు. ఇందులో బెల్లంకొండ గణేష్ సరసన వర్ష బొల్లమ్మ (Varsha Bollamma) హీరోయిన్ గా నటిస్తోంది. ఇక ఇప్పటికే ఈ మూవీ నుంచి వచ్చిన ఫస్ట్ లుక్, గ్లిమ్స్, స్పెషల్ పోస్టర్స్ ప్రేక్షకుల నుంచి మంచి స్పందన తెచ్చుకున్నాయి. అయితే, 'స్వాతిముత్యం' చిత్రాన్ని జూలైలో విడుదల చేయనున్నట్లు మేకర్స్ ప్రకటించారు.

కానీ, చివరి నిమిషంలో ఈ సినిమా విడుదలను వాయిదా వేశారు. ఇక ఇప్పుడు దసరా సెలవులను క్యాష్ చేసుకోడానికి..విజయ దశమి పండగ సందర్భంగా ప్రేక్షకుల ముందుకు తీసుకురావడానికి రెడీ అవుతున్నారు. ఈ క్రమంలో తాజాగా 'స్వాతిముత్యం' కొత్త రిలీజ్ డేట్ ని మేకర్స్ లాక్ చేశారు. 2022, అక్టోబర్ 5న థియేటర్లలో విడుదల చేయబోతున్నట్లు అధికారికంగా ప్రకటించారు. ఈ సందర్భంగా హీరోహీరోయిన్లకు సంబంధించిన ఓ బ్యూటీఫుల్ పోస్టర్ ను కూడా వదిలారు.

కాగా, పీడీవీ ప్రసాద్ సమర్పిస్తున్న ఈ చిత్రాన్ని సూర్యదేవర నాగవంశీ నిర్మిస్తున్నారు. ఈ సినిమాపై ఇప్పటికే అంచనాలు బాగానే ఏర్పడ్డాయి. అయితే, అదే సీజన్‌లో మెగాస్టార్ చిరంజీవి హీరోగా నటిస్తున్న 'గాడ్ ఫాదర్', నాగార్జున నటిస్తున్న 'ది ఘోస్ట్' చిత్రాలు కూడా రిలీజ్ కాబోతున్నాయి. మరి ఈ సీనియర్ స్టార్ హీరోలతో పోటీకి దిగుతున్న గణేష్ ఏ మేరకు తట్టుకొని నిలబడతాడో చూడాలి. ఇక ఈ సినిమాలో సీనియర్ నటుడు వీకే నరేష్, రావు రమేష్, సుబ్బరాజు, వెన్నెల కిషోర్, సునయన, దివ్య శ్రీపాద తదితరులు ఇతర పాత్రలు పోషించారు. మహతి స్వర సాగర్ సంగీత దర్శకుడు. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement