Chitrajyothy Logo
Advertisement
Published: Fri, 15 Jul 2022 08:21:26 IST

SSMB29 : సెట్‌పైకి వచ్చేది అప్పుడేనా..?

twitter-iconwatsapp-iconfb-icon

టాలీవుడ్ సూపర్ స్టార్ మహేష్ (Mahesh Babu) ఇటీవలే సర్కారు వారి పాట సినిమాతో వచ్చి హిట్ అందుకున్న సంగతి తెలిసిందే. ఇక ప్రస్తుతం మాటల మాంత్రికుడు త్రివిక్రమ్ శీనివాస్ (Trivikram Srinivas) దర్శకత్వంలో ఓ మూవీ చేయనున్నారు. ఈ చిత్రాన్ని ప్రముఖ నిర్మాణ సంస్థ హారికా హాసిని క్రియేషన్స్ లో సూర్యదేవర రాధాకృష్ణ నిర్మించనున్నారు. ఈ చిత్రాన్ని వచ్చే నెలలో సెట్స్ మీదకు రాబోతున్నారు. ఇందులో మహేష్ సరసన పూజా హెగ్డే (Pooja Hegde) హీరోయిన్ గా నటించనున్న సంగతి తెలిసిందే.

దీనికి మ్యూజిక్ సెన్షేషన్ ఎస్ ఎస్ థమన్ (SS Thaman) సంగీతం అందిస్తున్నారు. అయితే, ఈ సినిమా తరువాత దర్శకధీరుడు ఎస్ ఎస్ రాజమౌళి (SS Rajamouli)తో భారీ పాన్ ఇండియా మూవీని చేయనున్నారు మహేష్. ఈ మూవీ ఆయన కెరీర్ 29వది. ఇప్పటికే ఈ సినిమాపై భారీగా అంచనాలు మొదలయ్యాయి. ఇక ఈ చిత్రాన్ని భారీ స్టార్ క్యాస్టింగ్ తో అత్యంత భారీ లెవెల్లో శ్రీ దుర్గా ఆర్ట్స్ అధినేత డా. కేఎల్ నారాయణ ఈ మూవీని నిర్మించనున్నారు. 

అయితే, ఈ చిత్రాన్ని అడ్వెంచరస్ బ్యాక్ డ్రాప్ లో రాజమౌళి రూపొందించనున్నారు. ఇక, వచ్చే ఏడాది సమ్మర్ నుంచి ఈ భారీ చిత్రాన్ని సెట్స్‌పైకి తీసుకురానున్నారట. ఇప్పటికే మూవీ స్టోరీ విషయమై విజయేంద్ర ప్రసాద్ తో కలిసి వర్క్ స్టార్ట్ చేసిన రాజమౌళి, ఈ వర్క్ పూర్తి కాగానే పూర్తి బౌండెడ్ స్క్రిప్ట్ పై దృష్ఠి పెట్టనున్నారట. కాగా, 2023 ప్రారంభంలోనే ఈ మూవీని అధికారికంగా ప్రకటించి సమ్మర్ నుంచి రెగ్యులర్ షూటింగ్ ను మొదలుపెట్టేలా సన్నాహాలు చేస్తున్నారట. ఈ మూవీ కోసం మహేష్ దాదాపు 3 ఏళ్ళపాటు లాకవబోతున్నట్టు ప్రచారం జరుగుతోంది. ఏదేమైనా మహేష్ - రాజమౌళి సినిమాపై ఇప్పుడు నెలకొన్న అంచనాలు అసాధారణం. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
Advertisement