Srihari Nataraj: 50 మీటర్ల బ్యాక్స్ట్రోక్లోనూ సత్తా చాటిన నటరాజ్.. సెమీస్కు అర్హత
ABN , First Publish Date - 2022-07-31T23:00:38+05:30 IST
ఇండియన్ స్విమ్మర్ శ్రీహరి నటరాజ్ (Srihari Nataraj) 50 మీటర్ల బ్యాక్స్ట్రోక్ విభాగంలోనూ దూసుకెళ్తున్నాడు.
బర్మింగ్హామ్: ఇండియన్ స్విమ్మర్ శ్రీహరి నటరాజ్ (Srihari Nataraj) 50 మీటర్ల బ్యాక్స్ట్రోక్ విభాగంలోనూ దూసుకెళ్తున్నాడు. ఇప్పటికే 100 మీటర్ల బ్యాక్స్ట్రోక్లో 54.55 సెకన్లలో పూర్తి చేసి ఫైనల్ బెర్త్ ఖరారు చేసుకున్న నటరాజ్.. తాజాగా 50 మీటర్ల బ్యాక్స్ట్రోక్ను 25.52 సెకన్లలో పూర్తిచేసి సెమీస్కు అర్హత సాధించాడు. ఫలితంగా ఈ 21 ఏళ్ల బెంగళూరు స్విమ్మర్ తన హీట్లో రెండో అత్యంత వేగవంతమైన స్విమ్మర్గా, ఓవరాల్లో 8వ వేగవంతమైన స్విమ్మర్గా నిలిచాడు. 50 మీటర్ల బ్యాక్స్ట్రోక్ విభాగంలో నటరాజ్ వ్యక్తిగత అత్యుత్తమం 24.40 సెకన్లు. యూఏఈలో గతేడాది జరిగిన ఫినా వరల్డ్ స్విమ్మింగ్ చాంపియన్షిప్స్లో ఈ ఘనత సాధించాడు.
పురుషుల 200 బటర్ఫ్లై విభాగంంలో సాజన్ ప్రకాష్ (Sajan Prakash) 1:58:99 సెకన్లలో సాధించి నాలుగో స్థానంలో నిలిచి ఫైనల్కు అర్హత సాధించాడు. తొలి 8 స్థానాల్లో నిలిచిన వారు 200 మీటర్ల బటర్ఫ్లై విభాగంలో ఫైనల్లో తలపడతారు.