Abn logo
Feb 23 2021 @ 18:36PM

చైనా టీకాలకు నో.. ఆస్ట్రాజెనెకా టీకాల దిగుమతి.. శ్రీలంక కీలక నిర్ణయం

కొలంబో: రెండో విడత టీకా కార్యక్రమాన్ని ప్రారంభించబోతున్న శ్రీలంక..ఈ మారు చైనా టీకాలను వద్దనుకుంటోంది. అందుకు బదులుగా ఆస్ట్రాజెనెకా టీకాలను దిగుమతి చేసుకునేందుకు నిర్ణయించింది. శ్రీలంక ఉద్యానవన శాఖ మంత్రి రమేశ్ పథిరణ తాజాగా ఈ విషయాన్ని వెల్లడించారు. 13.5 మిలియన్ టీకాలను దిగుమతి చేసుకునేందుకు ఆర్డర్ పెట్టినట్టు ఆయన పేర్కొన్నారు. రెండో విడత టీకా పంపిణీ కోసం రష్యా, చైనా టీకాలు తయారు కాలేదని ఆయన తెలిపారు. అంతేకాకుండా.. ఫేజ్-3 క్లినికల్ ట్రయల్స్‌కు సంబంధించిన ఫలితాలను చైనా కంపెనీ ఇప్పటికీ శ్రీలంక ప్రభుత్వానికి సమర్పించలేదన్నారు. క్లినికల్ ట్రయల్స్‌కు సంబంధించిన వివరాలపై చైనా గోప్యత పాటిస్తోందని ఇప్పటికే పలువురు నిపుణులు ఆందోళన వ్యక్తం చేస్తున్న విషయం తెలిసిందే. కాగా.. తొలి విడత టీకా కార్యక్రమంలో కోసం శ్రీలంక గతంలోనే 10 మిలియన్ డోసులను భారత్ నుంచి దిగుమతి చేసుకుంది. అయితే.. అంతకుమునుపే భారత్ శ్రీలంకకు 50 వేల డోసులను బహుమతిగా ఇచ్చింది. దీంతో... శ్రీలంక అధ్యక్షుడు భారత్‌కు ధన్యవాదాలు తెలిపారు. 

Advertisement
Advertisement
Advertisement