Abn logo
Mar 3 2021 @ 22:16PM

‘దక్షిణాఫ్రికా స్ట్రెయిన్ నుంచి కోలుకుంటే.. మిగతా కరోనా స్ట్రెయిన్లు దరిచేరవు’

న్యూఢిల్లీ: దక్షిణాఫ్రికా కరోనా స్ట్రెయిన్ నుంచి కోలుకుంటే..ఇతర స్ట్రెయిన్ల బారిన పడే అవకాశాలు తగ్గిపోతాయని దక్షిణాఫ్రికాలో ఇటీవల జరిగిన ఓ అధ్యయనంలో వెల్లడైంది. దక్షిణాఫ్రియా స్ట్రెయిన్ నుంచి కోలుకున్న వారిలోని రోగ నిరోధక శక్తి ఇతర స్ట్రెయిన్లను సమర్థంగా అడ్డుకోగలదని తేలింది. దక్షిణాఫ్రికా శాస్త్రవేత్తలు బుధవారం నాడు తాము చేపట్టిన ఈ అధ్యయనం తాలూకు వివరాలు వెల్లడించారు. దక్షిణాఫ్రికా స్ట్రెయిన్‌ను శాస్త్రపరిభాషలో 501వై.వీ2 అని పిలుస్తారు. కాగా.. ఈ స్ట్రెయిన్ ఆధారంగా రూపొందిన టీకాలు ఇతర స్ట్రెయిన్లను సమర్థవంతంగా ఎదుర్కోగలవని ఈ కొత్త అధ్యయనం సూచిస్తోందని నిపుణులు చెబుతున్నారు. ఈ అధ్యయనాన్ని దక్షిణాఫ్రికా ఆరోగ్య శాఖ మంత్రి మానవాళికి శుభవార్తగా అభివర్ణించారు. టీకా కార్యక్రమం ప్రారంభమైందన్న ఆనందం ఈ కొత్త కరోనా స్ట్రెయిన్ల కారణంగా ఆవిరైపోతున్న విషయం తెలిసిందే. కొత్త స్ట్రెయిన్లను ప్రస్తుతమున్న టీకాలు అడ్డుకోలేవన్న భయాలు ప్రజల్లో నెలకొన్నాయి. ఈ నేపథ్యంలో..దక్షిణాప్రికా శాస్త్రవేత్తల అధ్యయనం కొత్త ఆశలు చిగురించేలా చేస్తోంది.   

Advertisement
Advertisement
Advertisement