సొనాటా సాఫ్ట్వేర్ పరుగులు
ABN , First Publish Date - 2021-08-06T01:59:45+05:30 IST
ప్రమఖ ఐటీ కంపెనీ సొనాటా సాఫ్ట్వేర్ షేర్లు మార్కెట్లో గురువారం మంచి ఫలితాలను సాధించాయి.
ముంబై : ప్రమఖ ఐటీ కంపెనీ సొనాటా సాఫ్ట్వేర్ షేర్లు మార్కెట్లో గురువారం మంచి ఫలితాలను సాధించాయి. బీఎస్ఈలో ఇంట్రా డే ట్రేడ్లో 9 శాతం పెరిగి రూ. 884.05 కు చేరుకున్నాయి. దీంతో కంపెనీ ఇంట్రా-డే ట్రేడ్లో గురువారం బీఎస్ఈలో కొత్త గరిష్ట స్థాయిని నమోదు చేసింది. 2021-22 ఆర్థిక సంవత్సరం మొదటి త్రైమాసికంలో రూ. 86.7 కోట్ల ఏకీకృత నికర లాభంలో 74 శాతం వార్షికంగా పెరిగినట్లు కంపెనీ తాజాగా వెల్లడించింది. దీంతో కంపెనీ షేర్లు ఒక్కసారిగా తారస్థాయికి చేరుకున్నాయి. వరుస ప్రాతిపదికన 2020- 2021 ఆర్థిక సంవత్సరం... నానలుగవ త్రమాసికంలో లాభం నాలుగు శాతం పెరిగింది. ఎస్అండ్పీ బీఎస్ఈ సెన్సెక్స్లో 7.3 శాతం పెరుగుదలతో పోలిస్తే, గత ఆరు నెలల్లో 115 శాతం జూమ్ చేయడం ద్వారా ఇన్ఫర్మేషన్ టెక్నాలజీ సేవల సంస్థ మార్కెట్ను అధిగమించింది.