అమెరికా జూలో మంచు చిరుతకు కరోనా

శాన్‌డియాగో: అమెరికాలోని జూలో ఒక మంచు చిరుత (స్నో లెపర్డ్)కు కరోనా సోకింది. తమ జూ లోని ఒక మగ మంచు చిరుతకు చేసిన పరీక్షలో కరోనా పాజిటివ్ ఫలితం వచ్చినట్లు శాన్‌డియాగో జూ అధికారులు వెల్లడించారు. ఈ క్రమంలో కరోనాకు ఎక్స్‌పోజ్ అయ్యాయనే అనుమానంతో మరో మూడు చిరుతలను క్వారంటైన్‌లో ఉంచినట్లు జూ నిర్వాహకులు తెలిపారు. రామిల్ అనే పేరున్న చిరుతకు జలుబు, దగ్గు రావడంతో.. దాని బాగోగులు చూసుకునే కేర్‌టేకర్‌కు అనుమానం వచ్చింది. దీంతో రామిల్‌కు కరోనా పరీక్షలు చేశారు. ఈ పరీక్షల్లో పాజిటివ్ ఫలితం వచ్చింది. ఈ చిరుతకు అసలు కరోనా ఎలా సోకిందనే విషయం ఇంకా తెలియలేదని, దీనిపై దర్యాప్తు కొనసాగుతోందని అధికారులు చెప్పారు.