జన్యువులను ఆన్.. ఆఫ్ చేయగల ‘స్మార్ట్’ ప్రొటీన్లు
ABN , First Publish Date - 2020-04-06T08:10:44+05:30 IST
శరీరంలో ఉండే జీవకణాల్లోని జన్యువులు, ఇతరత్రా అణువులను నియంత్రించగల స్మార్ట్ ప్రొటీన్లను అమెరికాలోని వాషింగ్టన్ వర్సిటీ శాస్త్రవేత్తలు అభివృద్ధి చేశారు. ఇవి వ్యాధి నిరోధక వ్యవస్థలోని తెల్ల రక్తకణాల పనితీరును...
వాషింగ్టన్, ఏప్రిల్ 5 : శరీరంలో ఉండే జీవకణాల్లోని జన్యువులు, ఇతరత్రా అణువులను నియంత్రించగల స్మార్ట్ ప్రొటీన్లను అమెరికాలోని వాషింగ్టన్ వర్సిటీ శాస్త్రవేత్తలు అభివృద్ధి చేశారు. ఇవి వ్యాధి నిరోధక వ్యవస్థలోని తెల్ల రక్తకణాల పనితీరును కూడా క్రమబద్ధీకరించగలవని వెల్లడించారు. ఈ కృత్రిమ ప్రొటీన్లు శాస్త్రవేత్తలు పంపే సిగ్నళ్ల ఆధారంగా జీవకణాల చుట్టూ కదలాడుతూ తమకు అందే ఆదేశాలకు అనుగుణంగా పనిని చక్కబెడతాయని తెలిపారు. వీటి కదలికల నియంత్రణకు అవసరమైన లాజిక్ గేట్లను డీఎన్ఏ, ఆర్ఎన్ఏ, ప్రయోగశాలల్లో అభివృద్ధిచేశారు.