Advertisement
Advertisement
Latest Telugu News
Advertisement

UAE బాటలోనే షార్జా.. ఏకంగా 3 రోజుల వీకెండ్..

twitter-iconwatsapp-iconfb-icon
UAE బాటలోనే షార్జా.. ఏకంగా 3 రోజుల వీకెండ్..

షార్జా: యునైటెడ్ అరబ్ ఎమిరేట్స్(యూఏఈ) ఇటీవల అధికారిక పనిదినాలను కుదిస్తూ కీలకమైన నిర్ణయం తీసుకున్న విషయం తెలిసిందే. ప్రపంచ దేశాల్లో ఎక్కడ లేని విధంగా కేవలం నాలుగున్నర రోజులే అధికారిక పని దినాలుగా నిర్ణయించింది. ఇప్పుడు యూఏఈ బాటలోనే షార్జా కూడా పని దినాల విషయంలో సంచలన నిర్ణయం తీసుకుంది. షార్జా ఏకంగా మూడు రోజుల వీకెండ్ ప్రకటించింది. అంటే.. వారంలో కేవలం నాలుగు రోజులే పని దినాలన్నమాట. శుక్ర, శని, ఆదివారం మూడు రోజులు సెలవు. 2022 జనవరి 1 నుంచి ఈ కొత్త వీకెండ్ నిబంధన అమలులోకి వస్తుందని షార్జా అధికారులు స్పష్టం చేశారు. మూడు రోజుల వీకెండ్‌ నిర్ణయానికి సుప్రీం కౌన్సిల్ సభ్యుడు, షార్జా రూలర్ డా. షేక్ సుల్తాన్ బిన్ మొహమ్మద్ అల్ ఖాసిమి ఆమోదం తెలిపారు. 

ఇక కొత్త టైమ్‌టేబుల్‌ ప్రకారం.. షార్జా ప్రభుత్వ ఉద్యోగులు సోమవారం నుంచి గురువారం వరకు ఉదయం 7.30 గంటల నుంచి మధ్యాహ్నం 3.30 గంటల వరకు పని చేయాల్సి ఉంటుంది. నాలుగు రోజుల పని దినాల్లో ప్రతి రోజు 8 గంటలు మాత్రమే పని ఉంటుంది. శుక్ర, శని, ఆదివారం మూడు రోజుల వీకెండ్ ఉంటుంది. ఇదిలాఉంటే.. యూఏఈ తీసుకొచ్చిన కొత్త వీకెండ్ నిబంధన ప్రకారం ఆ దేశంలోని ఉద్యోగులకు సోమవారం నుంచి గురువారం వరకు ఉదయం 7.30 గంటల నుంచి మధ్యాహ్నం 3.30 గంటల వరకు(8గంటలు) పని గంటలు. అదే శుక్రవారం రోజున ఉదయం 7.30 గంటల నుంచి మధ్యాహ్నం 12.00 గంటల వరకు(నాలుగున్నర గంటలు) మాత్రమే కార్యాలయాలు పని చేస్తాయి. అలాగే ఏడాది పొడవునా శుక్రవారం మధ్యాహ్నం నమాజు వేళను 1.15గా నిర్ణయించారు.   

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.