Abn logo
Jun 24 2021 @ 00:17AM

హాస్టల్‌ వసతి లేకుండా డిగ్రీ పరీక్షలా?

కళాశాల విద్య ఆర్జేడీకి వినతిపత్రం అందజేస్తున్న ఎస్‌ఎఫ్‌ఐ నాయకులు

రద్దు చేయాలని ఎస్‌ఎఫ్‌ఐ వినతి

గుంటూరు(విద్య),జూన్‌ 23: హాస్టల్‌ లేకుండా డిగ్రీ పరీక్షలు నిర్వహించరాదని ఎస్‌ఎఫ్‌ఐ జిల్లా అధ్యక్షుడు మనోజ్‌ విజ్ఞప్తి చేశారు. ఈమేరకు బుధవారం ఆర్జేడీ జ్యోత్స్నకుమారికి వినతిపత్రం అందజేశారు. ఆచార్య నాగార్జున విశ్వవిద్యాలయ పరిధిలోని డిగ్రీ కళాశాలల్లో జులై ఒకటి నుంచి పరీక్షలు నిర్వహిస్తామని అధికారులు చెబుతున్నారని వెల్లడించారు. ప్రైవేటు వసతి గృహాల్లో, గదులు తీసుకుని అద్దెకు ఉండాలంటే విద్యార్థులు తీవ్ర ఇబ్బందులు ఎదుర్కోవాల్సి వస్తుందని తెలిపారు. కార్యక్రమంలో సంఘం నాయకులు బి.ఆర్య, నగర కార్యదర్శి ఎం.కిరణ్‌కబీర్‌, సందీప్‌ తదితరులు పాల్గొన్నారు.