Abn logo
Sep 27 2020 @ 22:35PM

బాలయ్య, బోయపాటి చిత్రంలో సీనియర్‌ నటి

Kaakateeya

నందమూరి నటసింహం బాలకృష్ణ, మాస్‌ దర్శకుడు బోయపాటి శ్రీను కాంబినేషన్‌లో తెరకెక్కుతున్న హ్యాట్రిక్‌ చిత్రానికి సంబంధించి విడుదలైన టీజర్‌.. ఈ మూవీ ఏ రేంజ్‌లో ఉండబోతోందో తెలియజేసింది. ఇక కరోనా కారణంగా చిత్ర షూటింగ్‌కి బ్రేక్‌ పడిన విషయం తెలిసిందే. త్వరలో సెట్స్‌ పైకి వెళ్లేందుకు బోయపాటి ప్రయత్నాలు చేస్తున్నట్లుగా వార్తలు అయితే వస్తున్నాయి కానీ.. సరైన క్లారిటీ మాత్రం లేదు. కానీ ఈ సినిమాపై గాసిప్స్ మాత్రం ఆగడం లేదు. ఇందులో ఓ కీలకమైన పాత్రలో నటి రోజా నటిస్తుందంటూ ఆ మధ్య వార్తలు హల్‌చల్‌ చేసిన విషయం తెలిసిందే.

ఇప్పుడు రోజా స్థానంలో మరో సీనియర్ నటి పేరు వినబడుతుంది. ఆ హీరోయిన్‌ ఎవరో కాదు? నటి, రాజకీయ నాయకురాలైన జయప్రద. బీబీ3లో ఓ కీలకపాత్ర చేసేందుకు బోయపాటి జయప్రదను సంప్రదించారని, అందుకు ఆమె అంగీకరించారని తాజాగా సోషల్‌ మీడియాలో వార్తలు దర్శనమిస్తున్నాయి. అల్రెడీ బాలయ్య  'మహారథి' చిత్రంలో జయప్రద చేశారు. మరోసారి బాలయ్య చిత్రంలో, ఓ కీలకపాత్రలో ఆమె చేస్తుందనే వార్త మరి ఎంత వరకు నిజమో తెలియాలంటే బోయపాటి స్పందించాల్సిందే. 

Advertisement
Advertisement
Advertisement