ఎస్జీఎస్ కళాశాల దగ్గర 144 సెక్షన్
ABN , First Publish Date - 2021-12-16T02:56:48+05:30 IST
జిల్లాలని ఎస్జీఎస్ కళాశాల దగ్గర 144 సెక్షన్‌ను పోలీసులు
కృష్ణా: జిల్లాలని ఎస్జీఎస్ కళాశాల దగ్గర 144 సెక్షన్‌ను పోలీసులు విధించారు. విద్యార్థులు తప్ప మిగిలినవారు కాలేజీ పరిసరాల్లో సంచరించడంపై ఆంక్షలు విధించారు. శాంతిభద్రతలను దృష్టిలో పెట్టుకుని ఆంక్షలు విధించామని పోలీసులు చెబుతున్నారు.
జగ్గయ్యపేట: నియోజకవర్గ కేంద్రంలో ఉన్న ఏకైక ఎయిడెడ్‌ కళాశాల ఎస్జీఎస్ కళాశాలను ప్రైవేటు కళాశాలగానే నడుపుతామని ఎమ్మెల్యే, కాలేజీ చైర్మన్ సామినేని ఉదయభాను స్పష్టం చేసిన సంగతి తెలిసిందే. ఎస్జీఎస్ కళాశాలను ఎయిడెడ్‌గా కొనసాగించడం కుదరదని తేల్చి చెప్పారు. ఈ విధానం నచ్చకపోతే కాలేజీ నుంచి టీసీ తీసుకుని వెళ్లిపోవచ్చని విద్యార్థులకు సూచించారు. ప్రైవేట్ కళాశాలగా ఉన్నా ప్రభుత్వ నిబంధనలు వర్తింప చేస్తామని విజయవాడ సబ్ కలెక్టర్ ప్రవీణ్ చంద్ తెలిపారు.
